Кугьна хьусса къатрава 3000 кулпат бизан бан тIий бур

25-2016_19Республикалий 2017 шинал сентябрьданул 1-ннийнин аьркин­ссар цайми кIанттурдайн бизан бан 250 кугьна хьусса (лекьан нигьачIаву дусса) къатрава кулпатру. Миннуву ялапар хъанай бур 3 азарунния ливчусса кулпатру. Мунил хIакъираву бувсунни ДР-лул строительствалул, архитектуралул ва ЖКХ-лул министерствалул.

ХIасан Аьдилов
2014-2015 шиннардий ДР-лул 7 муниципал сакиншиндалий бувну бивкIссар 15 чIявуквартирарду бусса къатта, цIусса квартирардавун бизан бувну бур 222 кулпат (748 инсан).
ЦIанасса ппурттуву программалул 3-мур бутIа щаллу буллай бур 2016-2017 шиннардий кка­ккан дурсса давуртту даврийну. Республикалий 2 муниципал сакиншиндалий духсса къатравату бизан бувну бур цIусса къат­равун 194 инсан, ми муниннин яхъанай бивкIссар 74 къатлуву 2 азарда квадрат метра дусса. Масалдаран, Каспийскалий изан увну ур 2 кугьна хьусса къатлувату 141 инсан.
Строительствалул министерствалул бувсъсса ку­ццуй, МахIачкъалалив ва Избербашлив буллай бур кIива чIявуквартирарду бусса къатта. Пландалий бур 2016 шинал ахирданийннин МахIачкъалалив бан 627 квартира 28 азаллий 410 квадрат метра дусса. Сайки 2 азара инсаннал ласунтIиссар ца, кIива, шанма къатта бусса квартирарду.
Дарбантлив гьашину кка­ккан бувну бур изан уван 875 инсан 281 къатлува, цIанасса ппурттуву личIи дурну дур 13 чIявуквартирарду бусса къатта бансса аьрщарал участокру.
Программалул 4-мур бутIуву (этап) МахIачкъалаллал, Дарбантуллал, Къизилюртуллал, Южно-Сухокумскаллал ва Тарумовкаллал районнал территориялий пландалий бур изан ан 961 квартиралуву яхъанахъи­сса 3 азаллий 184 инсан. Ми ялапар хъанай бур 63 кугьна хьусса къатраву.