Чемпионнал цIа ларсунни

Челябинск шагьрулий, «Метар-Спорт» спорткомплексраву, хьунни Аьрасатнал ФСИН-лул карунний бияврил чемпионат. Чемпионатрай гьуртту хьунни Аьрасатнал ФСИН-лул кIантту-кIанттурдайсса органнал ва ведомствалул ВУЗ-ирдал вакилтал.

Чемпионнал цIа ласун бяст-ччаллий буклай бия 45 килорал кIушиву дуссанная байбивхьуну, 90 килорал кIушиву думиннайн бияннинсса яла цIакьми спортсментал.
Чемпионатрай гьуртту хьунни 43 команда – 300 спортсмен. Ва ягинсса бяст-ччалливу командарттал дянив цалчинсса кIану бувгьунни Дагъусттаннал УФСИН-лул цачIун дур командалул.
Цалалусса бяст-ччалливу Дагъусттаннал спортсментурал ларсунни 7 медаль. КIилчинсса кIанттурду бувгьуну арцул медаллу ларсунни Арсен Мутачевлул (60 кг.), Аьвдулхаликь Аппаевлул (65 кг.), Пайзулла МахIаммадовлул (86 кг.) ва Карин МахIаммадовлул. Чарвитул медаль ларсунни Нуранмет Дагировлул (65 кг.). Чарвитул медаллу мукунна ларсунни Дагъусттаннал УФСИН-лул цачIун дур командалувусса 2 хъамитайпалулгу: 50 килорайн дияннин­сса кIушиву дусса спортсментураву Наида МахIаммадхIажиевал, 75 килорая лирчусса кIушиву думиннаву – Сабират Черновал.
ДР-лул УФСИН-лул
пресс-служба