Поэзиялул театрдануву

24foto_18«Поэзиялул театрданувусса хьунабакьавуртту» тIисса проектрал лагрулий, июнь зурул 20-нний Дагъусттаннал Халкьуннал Мажлисрал КIулшиву дулаврилсса, элмулулсса ва культуралулсса буллалисса комитетрал председательнал хъиривчу, профессор, Дагъусттаннал элмулул лайкь хьусса деятель Людмила Авшалумова хьунабавкьунни агьалинащал. Му хьунабакьаву дачин дурну бия Поэзиялул театрданул директорнал хъиривчу Ариза Батырова.

Людмила Авшалумова був­ссар дагъусттаннал чичу, публицист Хизгил Авшалумовлул кулпатраву. Школагу, Дагъусттаннал паччахIлугърал университетгу марцIну ххювардай къуртал бувну, бувхссар аспирантуралувун. Микку дуклай бунува тиккува, университетраву, преподавательну зий байбивхьу­ссар. Кафедралул хъунмурну, проректорну зий бивкIссар, республикалул Госсоветрал членнугу бивкIссар. Яргсса оьр­му бувтсса Людмила Хизгиловнах гъирарай вичIи дирхьуну бия залданувун бавтIцири. ХьхьичIунсса политик, аьлимчу, публицист, чIявусса студентътуран ххира хьусса преподаватель Авшалумовал бусанмургу, учинмургу чIявуя. Залданувуциригу баллалимуния хъинну рязину ливчIунни.
Натали ХIажиева,
Дагъусттаннал паччахIлугърал
университетрал
2-мур курсрал студентка