«Кизлярский залив» — къадагъалул кIанур

5photo_14«Дагестанский» заповедникрал къаралданулу­сса 2 участок ва 3 заказник бу­ссар жулла республикалул личIи-личIисса кIанттурдай – ухссавнил Къалмукьнал дазуя, кьиблалий Азирбижаннайн ва Гуржияйн биянцIа. Ми бур Дагъусттаннал тIабиаьтрал яла хансса ва хIаз ласун шайми кIанттурду.
«Кизлярский залив» хъана­хъиссар Дагъусттаннал заповедникрал 2 участокраясса ца. Га бур дагъусттаннал северовостокрал чулий Каспий хьхьирил зуманийх тинмай, Тарумовскаллал райондалий ва ганивух бухлахиссар «Кизлярский заливрал» акваторийгу, гьартасса чIахIарал щахлу.
Заливравусса щинаву хьхьиривунияр цIу лап чанссар, заповедникрал дянивну ларсъсса куртIшиву дур 1 метра. Заповедникрал участокрай дур духлаган дуллан къадагъа дирхьусса ххяххияртту, хIайвант ва лелуххант. ЧIявучин уттигу кIулну бакъар Дагъусттаннай бушиву кудрявый пеликан, фламинго, урттил къаз, колпица, мисриллал цапля, султанка ва цаймигу лелуххант.
Заливраву бур сайки 70 журалул хьхьирил ва неххал чавахъру, миннувух бур мукунма нажагь бакъа къахьунабакьайсса ва бухлаглагисса журалулссагу.
Заповедникрал элмулул отделданул зузалт шинай цаппаралийла лагайссар. «Къизлардал заливрайн» нажагь бакъа къабикIайсса хIайвант хIисавравун ласаву мурадрай къадагъалийсса акваториялул хъуннасса даву дуллалиссар жулла республикалул ва щалва билаятрал фауна ва флора сахла бавриву. Мунияту жунма аьркин­ссар ганил тагьарданух къулагъас дуллан вахIшисса тIабиаьтрал ва ляличIисса кюру буручлан ва лахьлан тикку думур.
ХIадур бувссар
ХI. Аьдиловлул