Миллатирттал кубокрай цалчинми

БакIрай Аьрасатнал лачIун­буккулт хьунабавкьунни Турцияналминнащал. Жулва лачIун­буккултраву цалчинми, яла хьхьи­чIунми къабивкIнугу, ххув хьунни туркнаяр 6:2 счетрайну. Турциянал цачIундур командалувату ххув хьунни так кIия – Сонер Демирташев (74 кило), ххув хьуссар жула ХIабиб Батыровлуяр 9:0 счетрайну; ва АхIмад Биличи (86 кило), ганал марцIну бархI щун бувссар жула Владислав Валимевлул. ЛивчIми лачIунбуккавурттаву Аьрасатнал спортсментал ххув хьуссар.

Хуреш Дондук-Оол (57 кило) ххув хьунни Сезар Акгуллуяр (6:5) ХIажимурад Рашидов (61 кило) ххув хьунни Реджел Акташлуяр (10:0), Мурад НухIкьадиев (65 кило) ххув хьунни Сервет Гошкуннуяр (4:2), Евгений Жербаев (70 кило) ххув хьунни марцIну Мусттапа Каемлуяр, Юрий Белановский (97 кило) ххув хьунни Ибрагьим Болукбашияр (4:2), Владислав Бойцаевлул (125 кило) Фатум Яшарлил бархI щун бунни.
Туркнащал лачIун бувккун махъ жулва спортсментуран багьссар хьунабакьин туркнаяргу гуж бусса гуржиял командалущал.
Дагъусттаннал лачIунукку Исмяил Мусакаевлущал (57 кило) увкссар гуржиричу Бека Буджиашвили. Ххув хьунни Аьрасатнал лачIунукку. АхIмад ЧIакаев ххув хьунни 61 килорай цама гуржиричунаяр – Владимир Хенчагашвилияр (11:0). Дагъусттаннал лачIунукку Мурад НухIкьадиев ух хьунни гуржиричу Константин Хабалашвилияр, Расул Джукаев (70 кило) ххув хьунни Давид Тлашедзеяр (5:3), Якьуб Шихжамалов (74 кило) ххув хьунни гуржиричу Якьуб Макарашвилияр (9:8), АхIмад МахIаммадов (86 кило) ххув хьунни Сандро Аминашвилияр (5:0), Аьбдурашид Сааьдуллаев (97 кило) ххув хьунни Элизбар Одикадзеяр (11:0) 125 килорал кIулшиврий гуржиричу Георгий Саканделидзе ххув хьунни осетIин Алан Хучаевлуяр.
Аьрасатнал лачIунбуккултрал 1-мур кIану бувгьунни цалва гру­ппалувува бувккунни финалданийн. Финалданий тIурча жулва лачIунбуккулт хьунабавкьунни Азирбижаннал цачIундур командалущал. Жулла команда ххув хьунни 5:3 счетрайну.
Ахирданий Аьрасатнал командалул бувгьунни 1-мур кIану, 2-мур кIану бувгьунни Азирбижаннул командалул, 3-мур кIану – Гуржиянал командалул, 4-мур – Белоруссиянал командалул, 5-мур – Турциянал, 6-мур – Польшанал командалул.
Финалданул хIасиллу укунсса дур:
57 кило. Исмяил Мусукаев – Руслан Гасымов – 5:0; 61 кило. АхIмад ЧIакаев – АхIмаднаби Гварзитилов – 12:0; 65 кило. Мурад НухIкьадиев – МахIаммад Муслимов – 4:11; 70 кило. Расул Джукаев – ХIажимурад Оьмаров – 6:6; 74 кило. Якьуб Шихжамалов – Мурад Сулайманов – 2:12; 86 кило. АхIмад МахIаммадов – ХIажимурад МахIаммадсяидов – 10:0; 97 кило. Юрий Белановский – Арсланбек Алборов – 0:4; 125 кило. Азирбижаннал командалул лачIунукку ккаккан къаунни.