Хасавюртлив хьунни лачIунбуккаврил континентирттал дянивсса кубок

44_3Октябрьданул 17-нния — 19-ннийнин Хасавюртлив ХIамид ХIамидовлул цIанийсса Спортрал къатраву най бия лачIунбуккаврил Континентирттал дянивсса кубок. Му хъанахъиссар ца яла хъунмур дунияллул халкьуннал турнир. Дунияллул межконтинентальный кубокрайн хIадур шаврил сакиншиндалул каялувчишиву дайссар Дагъусттаннал ХIукуматрал цIакь бувсса Сакиншиндалул комитетрал, ДР-лул Спортрал министерствагу, АьФ-лул ЛачIун буккаврил федерациягу хIала-гьурттуну.

Бяст-ччаллавух гьуртту хьу­ссар дунияллул личIи-личIисса билаятирттая дуркIсса 15 цачIурдур команда. Турнирданул судиятал лаваймур категориялулсса бия, цанчирча ва Кубок бухлахиссар яла агьамшиву дусса 10 турнирданувун.
Кубокрай гьуртту хьун лачIун­буккулт бувкIун бия Азирбижаннавату, Белоруссиянавату, США-навату, Турциянавату, Македониянавату, Румыниянавату, Канаданавату, Къазахъисттаннаяту, Къиргъизттаннаяту, Молдованавату, УзбакIисттаннаяту, Грузиянавату ва Венгриянавату.
Турнир тIитIаврий шадлугърай делегациярттахь аьла-ссалам буллалисса махъ лавхъунни ДР-лул ХIукуматрал Председательнал 1-ма хъиривчу Анатолий Карибовлул. Ихтилатру бунни мукунма Хасавюртуллал администрациялул бакIчи Арслан Арслановлул ва цайминналгу.
Кубокрай лачIун буккаврил хIасиллу укунсса хьунни.
Цинярдагу диркIсса 8 мусил медальданувату 6 ларсунни дагъусттанлувтурал.
3 мусил медаль ларсунни Хасавюртлиясса АьлибагхIажи Эмеевлул (65 кило), Адам Хасиевлул (74 кило), АхIмад Батаевлул (97 кило), МахIачкъалалиясса Даурен Куроглиевлул (87 кило) ва Хасавюртлиясса Исмяил Мусукаевлул (61 кило), Халил Аминовлул (70 кило).
Мусил медаллу ларсунни мукунна Ставрополлахлу уклай ивкIсса дагъусттанлув Темирлан Къараевлул (57 кило) ва Санкт-Петербурграхлу уклай ивкIсса да­гъусттанлув Анзор Хизриевлул.
Дагъусттаннал лачIунбуккулт­рал дурххунни цинярдагу 15 медаль.