Сентябрьданул 13-нний къуртал хьунни хьхьи­чIунсса паччахIлугърал ва политикийсса ишккакку МахIаммад-Ссалам Оьмахановлул цIанийсса Дунияллул халкьуннал даражалийсса боксрал турнир «Труд» стадиондалий. 

ХIасан Аьдилов
Турнирданий гьуртту хьунни 133 боксер. Спортсментал бувкIун бия 17 билаятраяту: Польшанава, Турциянава, Узбакисттаннава, Азирбижаннава, Гуржиянава, Къазахъисттанная, Молдавиянава, Украиннава, Белоруссиянава, Армениянава, Болгариянава, Швециянава, Изриялнава, Испаниянава, Кореянава, Австралиянава ва мукунма Аьрасатнал личIи-личIисса регионнава.
Турнирданул хъаннилмур бутIуву ххув хьунни Харис Кристи (51 килорай, Австралия), Дарья Абрамова (60 килорай, Аьрасат), Ярослава Якушина (75 килорай, Аьра­сат).
Арамтуннавату цалчинми кIанттурду бувгьунни: Сен Ким Ын-ннул (49 килорай, КНДР), МахIаммад Ибиевлул (52 килорай, Азирбижан), Аьбдулхай Шарахматовлул (56 килорай, Узбакисттан), МахIаммадрашид Жабраиловлул (60 килорай, Аьрасат), Шагьаьппас МахIмудовлул (64 килорай, Аьрасат), ХIамзат Расуловлул (69 килорай, Аьра­сат), Андрей Ковальчуклул (75 килорай, Аьрасат), Ислам ХIажимахIаммадовлул (81 килорай, Аьрасат), Садам МахIаммадовлул (91 килорай, Аьрасат), Шигьабуттин Аьлиевлул (91 килораяр ххишала­сса кIушиврий).