Компьютерду сийлуву бусса чIумалгу чIявусса инсантал бур цанма учин ччимур чивчуну чагъарду гьан буллалисса.
Махъсса зурдардил дянив республикалул медико-социальный экспертизалул бюрорайн чансса къабувкIунни барчаллагьрал чагъарду. ХьхьичIавагу бучIайссия жучIан укунсса чагъарду, амма махъппурттуву вай хъиннува чялиш хьунни. Ванин савав хъанай дур махъппурттуву СМИ-рдаву республикалул медико-социальный экспертизалул структурардайн бурушиндарайсса хаварду (цIа-бакI дакъасса) баян буллалаву. Республикалул МСЭ-лул даврия рязиминнал тIурча, цIа-бакI лакъадиртун, лажин кIялану, цивппа ссал рязий бувссарив хIуччарду буцлай бур.

Укунминнавух бур МахIач­къалалив ялапар хъана­хъисса, диабетрал ва гипертониялул къашавайсса ГьитIинова Загьрат, цимирагу шинай шиву учетрай­сса:
— «МСЭ-5-мур бюрорал зузалт (П. Кичева хъунмур) хъинсса, цалла даву дакIнийхтуну дайсса, къашайшалт хIурматрай кьамул байсса, цукунчIавсса сси, зид (агрессия), рязи бакъашиву кка­ккан къадайсса бур. ТIайламур учин, нава ца-ца чIумал махIаттал хъанан бикIара, къашайшалтрал тарсшиврух, хъеришиврух къабурувгун, ссавурданий гайннащал зун бикIаврий. Хъунмасса барчаллагь ва даврихлу».
ДЦП диагнозращалсса Симонов Рустамлул бабушка хъинну рязийну дур 5-мур ВТЭК-рал зузалтрая.
«Ттул пикрилий, МСЭ-лул цинявппа пишакартал ххуйсса психологтал бур, вайннал ляркъунни жул оьрчIан дарс лахьлансса программа. ОьрчIавун гъира багьунни оьрмулухсса, дарсирдахсса».
— Ттул арс 2010 шиная шинай инвалидри. ЗахIматсса тагьарунниву уну, ттуща та комиссиялийн увцуну гьан къавхьуна. Муния на бувсукун, гай цивппа бувкIуна шаппай (П. Билалова хъунмур), ххал увну махъ дуллуна инвалидность 18 шин хьуннин. Барчаллагь вайннан хъунмасса, вай тIайласса, порядочнайсса инсантал бивкIун бур тIий, — чичлай бур М. Закирова.
ЦIунтIиял райондалий­сса инвалидсса оьрчIал ниттил МахIаммадова Гулишатлул бувкIсса чагъарданува:
— КIира шинни ттул, къашавайсса оьрчIгу канил увгьуну, Дагъусттаннал личIи-личIисса больницардайх занай. ЧIявусса ккавккунни, амма тIайлашиву ляркъунни ттун так 16-мур бюрорал райондалул филиалданий (А. Щейхова хъунмурсса). Шикку ттул оьрчI ххалгу увну, ххишаласса бахчилачавугу къадурну, инвалидность дунни. МСЭ-рал зузалтрал ттун медициналул зузалтрал чулиннайсса вихшала зана дунни. Ттун Дагъусттаннайгума тIайлашиву ляркъунни, – тIий бур гьарзатрава дакI дуккан дурсса пукьара.
Вай цинявннуя чичлан къахьунссар, амма Дагъусттаннал гьарцагу мурцIния бучIай МСЭ-рал зузалтрал тIайлашиврия, узданшиврия, грамотныйшиврия бусласисса чагъарду. Укунсса чагъарду ккалаккиний бувчIлан бикIай хIакинтал кьюкьин-кьадар бан цукунчIав щищачIав къахьунссар тIисса. Бурхха азарахъул инсан эксперт-профессионалтурал даву марцIну дирхьушиврий мукIрусса бардулт.
Агарда зун МСЭ-лул зузалт­рал давриву хиянатшиву щуркIал хьурча, оьвчияра вай телефоннавух:
64.09.49 ягу 8.988.291.09.21. ЦIа дакъамур аьрза (анонимка) ххалкъабигьинтIиссар.
ДР-лул медико-социал
экспертизалул хъунмур бюро
ХIадур бувссар
Т. ХIажиевал