Журналистурал субботник Дарбантлив

IMG_2683Дагъусттан Республикалул печатьрал ва информациялул министр Азнаур Аджиевлул инициативалийн бувну, август зурул 8-нний Дарбантлив дунни Дагъус­ттаннал ПаччахIлугъралмур СМИ-лул журналистал гьур­ттусса субботник. Му хъанай дия гьашину Дарбант шагьрулул тарихраву
кIицI лаглагисса 2000 шинал даталуцIун дархIусса аьмсса акциянугу.

IMG_2708Кьиблалул Европанава ХьхьичIмур Азиянавун Ккав­кказуллал аьрщарайх бивхьу­сса ххуллурдаву ца яла агьаммурну ва стратегия ххимурну тарих-таварихрал лахъишиврий мудангу ккалли хъанай бивкIун бур Каспий
хьхьирил ва зун­ттал дянийх бувккун нанисса ххуллу-къапу. Та къапулул бакIшагьруну, талатаврил ва мюхчаншиврул къалану хIасул хьусса Дарбантлив сентябрь зурул 19-нний хъинну хъунна­сса агьамшиврий ва шадлугърай кIицI лаган тIий дур му тарихийсса юбилей. Миккун бучIан тIий бур Да­гъусттанная ва щалвагу Аьра­сатнава язи-язисса хъамал, бучIан тIий бур Дагъусттаннал лагма-ялттусса республикарттая бусравсса вакилтал.
Му кьини дучIаннин дан багьлагьисса аьркинсса давурттивгу хъинну чIярусса ва цаннияр ца хьхьичIунсса душиврийн бувну, мунийнсса хIадуршингу лайкьсса даражалий щаллу хьуншиврул аьркинну бур цуманаща цукун бювхъурив, мукун чIарав бацIан, ка-кумаг бан. СМИ-лул зузалтрал дурсса субботникгу хьунни му иширахунсса ца чIири-хъунсса кабакьуну.
wkpor_7КIюрххицIунмайва ДР-лул кказитирттал ва журналлал комплексрал хIаятраву бацIан бувну бия заказ бувну бивкIсса турист автобус. Сайки 50-60 инсан лагайсса му автобус бувцIусса журналистал бивуна ссят 11-нний Дарбантлив. Яла, шагьрулул администрациялул ккаккан бувсса куццуй, бувкIун хьхьирил зуманицIухсса Дарбантуллал къирагърайн, хIала бувххун зий, СМИ-лул зузалтрал марцI дурну, узданшиврийн дурцуна шагьрулуцIухсса диялсса зума. БакъавцIуну зий бия кIира-шанна ссятрай. ХIасил, журналистурал хIалал бувуна шагьрулул администрациялул ва агьалинал чулухасса хъунмасса барчаллагь.
Жулва «Илчилул» чулуха му бусравсса мероприятиялий чялишсса гьурттушиву дуллай бия хъунама редакторгу бакIчину ххюя инсан.
Субботникралмур даву къуртал хьуну мукьах Печатьрал ва информациялул министерствалул хIарачатрайну сакин бувуна «Нарин-къала» цитадельданийнсса экскурсиягу.
Жул корр.