Лакрал райондалийсса хъун дакъасса жул Хъуннащиял шяраваллил жямат кIама бивщусса кунма щалвагу Аьрасатнавух ппив хьуну бур.

ХIакьинусса кьини Хъуннащиял шяраву бувагу 3 къатта ливчIун бур.
Цува архну унугу, ххирасса буттал шяравалугу,
шяравалу ядуллай кIий яхьусса жяматгу цанма тачIав хъамакъабитайшиву тасттикь буллалисса, ххаллилсса даву дунни Хъуннащиял шяраву увсса, шагьрулий хъуна хьусса, цIанасса чIумал Москавлив ялапар хъанахъисса Эльдаров Ризван Багьауттиновичлул, Аллагьнал 99 цIа мудан дакIниву дусса, шяравалу авур дансса, уттара дуккан дансса гьавасрал увгьусса виричунал бунни буттал шяраву чак байсса къатта.
Жу, щаллагу дунияллийх кIама бивщусса Хъуннащиял жямат, дакIнийхтуну барчаллагь тIий буру вихь, ххаллилсса буттал арс.
Му бусравсса даву дан дакIнийн багьсса вил ахир хайр даннав, вил каши мунияргу ххи даннав. Ина дуллалисса гьарица даврицIун Заннал кабакьиннав.
Вила оьрчIругу инава кунма тIайлабавцIусса, вилла дакI ххари дансса хьуннав.
Хъуннащиял шяраваллил
жямат