Вай гьантрай оьрмулул юбилей кIицI лаглай ур Хъусращиял шяравасса ПянтIурхъал АьвдулхIамидлул арс Шихаьли Шихаьлиев.
Инсаннал оьрмулуву яла аьркинмур, жаваблувшиву хъуннасса дусса хIакиннал пиша язи бувгьусса Шихаьли АьвдулхIамидович кIулссар къашайшалтрангу, цащалва архIал зузиминнангу цалла даву ларайну кIулсса ва дакIнийхтуну дуллалисса пишакарну.
Ххирасса Шихаьли АьвдулхIамидович!
Барча уллай буру ина дунияллийн увксса ххарисса кьини.
ЧIа тIий буру вин цIакьсса цIуллушиву, кулпатраву нахIу-хIалимшиву, арснал ва душваврал ххари уллай личIаннав, оьрмулия щалихханнин итаннав!
Ина ххирасса, мудангу вил хIурмат бусса, винмагу ххирасса, вил ниттирссурвал, ниттиуссу ва ссурахъал.
————————————
Цалчинмур ЦIувкIратусса Шяпинал арс Рамазанов МахIаммад дакIнийхтуну барча уллай буру август зурул 25-нний хьусса 80 шинал юбилейращал ва 55 шин цачIу винма ххирасса Розащал оьрму бутлай хьусса байрандалущал!
ЧIа тIий буру цIакьсса цIуллушиву, лахъисса оьрму. Я Аллагь, вания тинайгу ина вилва наслулул ххари уллай, оьрмулул уччиннин итаннав.
Виха дуаьлийсса кулпат, арсру, душру, оьрчIал оьрчIру
—————————————-
Хьуриятусса Кьурбанов Шамил МахIаммадлул арс ва Кьурбанова Ххадижат-Кубра АьбдулмутIаллиплул душ барча буллай буру августрал 25-нний цачIу оьрму бутлай 50 шин хьусса юбилейращал.
ЧIа тIийгу буру вайннан цIуллушиву, цIакьшиву, ванияр тихунмайгу цачIу ххарину оьрму бутаву Аллагьнал дуллусса чIумуй. Вай бур куннан кув ххирасса, дакI-аьмал хъинсса, куннащал куннал маслихIат бувну, цалийн бучIайсса, жяматралгу, чIахху-чIарахналгу, архIал зий бивкIминналгу хIурматрайсса, цащава шайсса кумаг бан чIарав бацIлай бивкIсса ва цIанакулгу чIарав бацIан хIадурсса кулпат.
Зун хъиншивуртту чIа тIий, зуха дуаьлийсса гъан-маччами
