Июль зурул 19-нний 1930-ку шинал увссар Дагъусттаннал фтизиатриялул элмийсса школалул гьану бивзма, медициналул элмурдал доктор, профессор, Дагмедакадемиялул фтизиатриялул кафедралул каялувчи, АьФ-лул лайкь хьусса хIакин Аьвдулкамаллул арс ХIусайн ХIусайнов.
ДакIнийхтуну барча дуллай буру жула хъунасса аьлимчу увсса хъуннасса кьини. ЧIа тIий буру ХIусайннун цIуллушиву, цIу-цIусса ххаришивуртту. Яаннав ина Заннал вилацириннангу, щалва Дагъусттаннангу!
Дустал, гьалмахтал
ХIусайннущалсса чIиви-хъунсса ихтилат бикIантIиссар «Илчилул» хъиривсса номерданий.
