МахIаммадов ХIусайни Аьбдуллагьлул арс, полицанал хъунама прапорщик, ДР-лул МВД-лул экспертно-криминалистический центрданул МЭКО-лул техник-криминалист.Увну ур 1967 шинал июнь зурул 24-нний ГьунчIукьатIрал шяраву. Къуртал бувну бур Дагъусттаннал педуниверситетрал физкультуралул факультет. Низам дуруччай органнаву зий ур 2000 шиная шихунай. Ятинну ливчIунни 3 щаллу къабувсса оьрчI.
Жяъпаров Неъматуллагь Рамазаннул арс, полицанал майор. Увну ур 2-мур ЦIувкIуллал шяраву 1966 шинал апрель зурул 5-нний. Къуртал бувну бур Азово-Черноморскаллал шяраваллил хозяйствалул механизациялул институт. Полицалий зий уссия 1994 шиная шихунай: МахIачкъалаллал Советский райондалул ОВД-лул милицанал участковый инспекторну, вара ОВД-лул участковый милицану; МахIачкъалаллал УВД-лул балугъравун биян бувасса оьрчIал отделданул участковый милицану; 2011 шиная шихунай Лакрал райондалул ОВД-лул участковый милицану, 2011 шиная шихунай — дознавательну. Ятинну ливчIунни чIивисса оьрчI.
Булатов Идрис Рамазаннул арс, полицанал хъунама лейтенант. Увну ур 1977 шинал майрал 28-нний. Къуртал бувссар Дагъусттаннал педуниверситетрал правалул факультет. Полицалий зий уссия 1999 шиная шихунай: Лакрал райондалул ОВД-лул ППСМ-лул милицанал стажерну; ППСМ-лул милицану; участковый милицану; Лакрал райондалул ОВД-лул оперуполномоченныйну; 2011 шиная шихунай зий уссия АьФ-лул МВД-лул Лакрал райондалийсса отделданул оперуполномоченныйну. Ятинну ливчIунни мюрщисса 2 душ.
ХIамзатов Абакар Русланнул арс, полицанал хъунама лейтенант. Увну ур 1982 шинал сентябрь зурул 3-нний.
Къуртал бувну бур Москавуллал автомобильно-дорожный институт. Полицалий зий уссия 2007 шиная шихунай: МахIачкъалаллал УВД-лучIасса ППМС-рал милицанал стажерну, яла вара отделданул милицану. 2011 шинал увкIун ур Лакрал райондалул ОВД-лул участковый милицану. 2011 шиная шихунай зий уссия АьФ-лул МВД- лул Лакрал райондалул ОВД-лул участковый уполномоченный полицану. Ятинну ливчIунни чIивисса душ.
МахIаммадов Рамазан Баширдул арс, полицанал прапорщик, МВД-лул УВО-лул ФГКУ-рал Лаващиял филиалданул МОВО-лул полица. Увну ур Буршиял шяраву 1964 шинал октябрь зурул 19-нний. Полицанаву зий ур 2008 шиная шихунай: цал Лакрал райондалул ОВД-лул балугъравун биян буваминнал иширттал стажер-инспекторну, гихунай — балугъравун биян буваминнал иширттал хъунама инспекторну, махъсса чIумал АьФ-лул МВД-лул Лакрал райондалийсса отделданул АП иК-лул (анализ, планирование и контроль) инспекторну. Ятинну ливчIунни щаллу къабувсса 5 оьрчI.
Исмяилов Апанни Амсаруллагьлул арс, полицанал прапорщик, Лакрал райондалул ОВД-лул камендантский группалул хъунама. Увну ур КIулушацIрал шяраву 1973 шинал мартрал 7-нний. Полицалий зий уссия 2002 шиная шихунай: Лакрал райондалул ОВД-лул ИВС-лул (изолятор временного содержания) къарал байсса милицану, яла ОВД-лул старшинану, 2011 шиная шихунай – ОВД-лул камендантский группалул хъунаману.
Ятинну ливчIунни школалий дуклакисса 3 оьрчI.
