ТтукI бищаврия оьрчIру мюхчан буллай

tast_11Дагъусттаннал Энергосетьрал зузалтрал ЦIуссалакрал райондалийсса 9-вагу школалий дирхьунни ттукI бищаврия мюхчан хьун лахьхьин буллалисса дарсру. Энергосетьрал зузалтрал ми дарсирдай оьрчIан ккаккан дунни личIлулну бикIансса маслихIатру бусса суратру.

Электрик-инженертурал 5-6-ми классирттал оьрчIру ттукIрал прибордащал зузини личIлулну бикIансса балжисса инструкциярду бувккунни. ОьрчIай дюъ дирхьунни ттукIрал ххаллу дурцсса, нигьачIаву дусса кIанттай цукунчIавсса дялахърурду къадуллан. Вай школардай Электросетьрал зузалтрал ттукIрая оьрчIру мюхчан баву мурадрай дирхьунни 27-хъул дарсру. Мукунна вайннал ЦIуссалакрал райондалул школарттан оьрчIру ттукIрая мюхчан баву мурадрайсса дарсру дихьлансса хIадурнурасса плакатру ва маслихIатру бусса материаллу кьадиртунни.
2014 шинал Энергосетьрал зузалтрал школарттай дирхьунни 1500-нния лирчусса дарсру. Укуннасса дарсру дирхьунни оьрчIал багъирдаву, поликлиникарттай, гъинтнил бигьалагай лагерьдай ва цаймигу кIулшивуртту дулаврил идарарттай.