Хъуннасса ххаришиврущал ва дакIнийхтуну барча буллай буру хIурмат бусса, жунма ххирасса, ляличIийсса чIунил ва усттарсса каруннил заллу, Ккуллал шяравасса ХIабибуллагьлул душ Кьурбанова Жанна уттигъанну «Заслуженный деятель искусств РД» бусравсса цIа дулаврищал.
Ва цIанасса, ччимур машан ласун ва даххан бюхъайсса заманнай, ина вилва хIарачатрайну, бюхъулийну хIалал дурссар ва цIа.
Жаннай, муниярвагу лавай хьуннав вил гьунар, муниярдагу сирсуну тIитIиннав вил кIирагу хъа – балай учаврил ва суратру даврил, мунияр бюхттулсса цIарду, кьинирду ялун дирсса цимивагу мутта бучIаннав вил оьрмулуву, кулпатравугу, вилва гъан-маччаминнаяссагу ххаришивуртту чIяру хьуннав.
Гъан-маччами, дустал
————————-
Оьрмулуву хьунадакьлакьисса ххаллилсса юбилейращал барча уллай буру хIурмат лавайсса инсан, яхI-къириятрал увцIусса зунтталчу, цанагу, уссурссуннангу, гъан-маччанангу, жяматрангу усса, Ваччатусса Зайдилавл арс Исяев МахIаммад.
Школагу къуртал бувну, МахIаммад дуклан увхссар МахIачкъалаллал педагогикалул институтравун, физико-математикалул факультетрайн. Институтгу лайкьну къуртал бувну, зий ивкIссар 20 шинай МахIачкъалаллал 2-мур школалул директорну. ЦIанакул зий ур учительну Шамхал-Терменнайсса дянивсса даражалул школалий.
МахIаммад мудангу чялишсса гьурттучину ивкIссар райондалул ва шагьрулул бяст-ччаллил иширттавух, увчIуну ивкIссар МахIачкъалаллал Кировуллал райондалул администрациялул Жяматийсса советрал членну.
Ци даврий зурчагу, ина ккаккан бунни, ччарча хъуниминнан, ччарча архIал зузиминнан, вилва бюхъу-тяхъа, гьунар. Вания тинмайгу лажин кIялану оьрму бутан вихьхьун цIуллушиву дулуннав.
ЧIа тIий буру вилла дакIнин ччийкунсса цIуллушиву, буллугъшиву, барачат кулпатраву.
Ина виятува бивзминнал, миннал оьрчIал ва оьрчIал оьрчIал ххари уллай личIаннав, мукуна жагьилнугу, жан дунугу итаннав ина!
Ваччиял жяматрал чулуха Увайсов Давди
———————————
ДакIнийхтуну барча уллай буру СумбатIуллал шяраву ялапар хъанахъисса Аьлилов ЦIаххуй Рамазаннул арс ниттил увсса кьинилущал. ЧIа тIий буру жула хъинсса дуснан, даврий цачIу зузисса уртакьнан цIуллушиву, давриву хьхьичIуннайшиву, талихIрал дурцIусса оьрмулул чIярусса шинну, цинявппагу дакIнийсса мурадру бартлагаву!
ЧIярусса шинну дурссар ЦIаххуйл жяматрал бакI дургьуну зий, ветеринар хIакинну зий. Чув зурчагу, ЦIаххуйл цалла даву мудангу дурссар лавайсса даражалий ва тIайлашиврий.
Ккуллал ветуправлениялул коллектив, дустал, уртакьтал
Жяматрал чIарав ацIлай
Бувтунни ина оьрму,
Гьарнал дакIниймур ласлай,
Дурссар тIайлашивугу.
ЧIярусса дурссар ина
ЧIа дувансса давурттив,
Муниятур вийн бусса
СумбатIул барчаллагьрай.
Къавхьуссара хаингу
Язи бувгьу пишалийн,
Аьрасатнава дуркIссар
Вин хIурматрал лишангу.
Бургъилух ва гъаравух
Дякъивух ва зунчавух,
Уссар ЦIаххуй даиман
Мащирдай ва фермардай.
Лакку улча ябуллай
Ура дус ина ттигу,
ВицIунсса пахрулул жу
Буру ссавруннайх лехлай.
