Жижара

230002СУРХАЙЛ АРС АЬМАЕВ БАДАВИ
Тамансса хIаллай къашавайгу ивкIун, аьпалувух ивхьунни ххишала акъа ххуйсса хасиятрал заллу, хъярчручи, дакIнил авадансса чув, буттал мина-гьану, шяравалу ххирасса зунтталчу Аьмаев Бадави Сурхайл арс.

Бадави увну, хъуна хьуну ур Сурхайл ва Урдидал кулпатраву КIямашав 1946 шинал. Дяъви къуртал хьусса кьянатсса шиннардий, махъсса инсантуран кунма, вайннал кулпатрангу бигьану къабивкIссар. Школагу къуртал бувну, аьралуннаву буржгу лавхъун, Бадави зун ивкIссар заводраву цал ученикну, яла ларайсса разрядрал фрезеровщикну, лавайсса классрал шоферну личIи-личIисса давурттай.
Бадави 1986 шиная 2002 шинайн ияннин зий уссия «Дагплод­оовощхоз»-рай товароведну. Чув, ци даврий зурчагу, Бадави ия авкьусса, давриву дакI дирхьу­сса, архIал зузиминнан бусравсса, хIурмат лавайсса инсан.
Зузисса шиннардий Бадавинал хIалал дурну дур хIурматрал лишанну, бахшишру, архIал зузиминнал хIурмат. Шяраваллил агьулданул, кулпатрал, цалва уссурссуннал дянив ххирану, бусравну ия. Бусрав къахьунссагу акъая. Къумама гьарта увайва цалва пишлийну, рахIат увайва цIу бусса ихтилатрайну. Ци банссар, бяливчIунни Бадавинал оьрму яла ххуймур ппурттуву.
Бадави аьпалувух ишаврил къумашивугу кIидачIлай, жижара буллай буру кулпатрахь Наидахь, арснахь Месихь, душнихь Ххадижатлухь, уссихь ЯхIиянахь, ссурахъаврахь, минная бивзминнахь, Наидалгу, Бадавиналгу щалва агьлу-авладрахь. Махънал оьрмурдай барачат бишиннав, оьрчIал оьрчIай цIа бусравнура, сагънура личIаннав.
Бадавигу алжаннул ххари аннав, гьав нурданул дуцIиннав. Амин.
КIямашрал, ГьунчIукьатIрал, ГьунчIукьатIрал къутандалул жямат

——————————————

«Илчи» кказитрал щалвагу коллективрал чулухату хъуннасса пашманшиву кIидачIлай буру жула дус, уртакь Руслан Къардашовлущал, мунал аьзизсса нину
Асият
аьпалухьхьун лагаврийн бувну.
Цил бунагьирттал аьпа баннав, рухI рахIатний дишиннав.
Вил ниттил ххуй-ххуйми лишанну яхьуну личIаннав вивурагу, вил оьрчIавугу, оьрчIал оьрчIавугу!
«Илчи» кказитрал редакция

—————————————

230001Ноябрьданул 29-нний шин хъанай дур Оьмардул арс Шамхалов Ризван жуятува батIул хьуну. Ва мудангу бусраврай ия цалва жяматрал дянивгу, щаллагу ЦIуссалакрал райондалийгу

Куяв, на вил бивкIулийн
Гьич вих къахьунтIиссияв,
Щалва майдан бувцIуну
Халкь къаккавккуссания.

Я ттул ххирасса куяв,
Анавар циван увкра,
Дуккин бан, дунъяллул бан
Вил наслу буссияхха.

Оьрмулул чIивишиву,
Хьулданул хъунмашиву,
Азар, вил лавмартшиву –
Гьарзат хъамаритан дан.

Хьхьурай ккарксса макI кунна,
Ца шин чIарах ларгунни,
Амма жул дакIурдива
Ина гьантIий акъара.

Саидат, ххари хьурав,
Ххирасса арс увкIукун,
Ччай, ччаврий дурц щарссагу
Хъирив аьтIий кьариртун.

Дяхтта ялугьлай дура,
Куяв учIайрив ккаккан,
Хьхьурай вичIилий дура,
ЧIукIа баяйрив ххал бан.

Куяв, вин нясив баннав
Якьутирал хIужрарду,
Алжаннул хIурулъэнтал
Хъамалу бучIаваннав.
Аьлиева Аьйша,
ш. ЦIуссаккул