ДР-лул связьрал ва телекоммуникациялул министрнал хъиривчу Юсуп МалламахIаммадов хьунаавкьунни ЦIуссалакрал райондалул администрациялул зузалтращал.

Ва хьунаакьаврил мурад бия «Эффективное государственное управление» тIимур республикалул приоритет проект дузрайн дуккан даврил тагьар ххалдигьаву. Ва хьунабакьаврий ххалбивгьунни электрон журалий документру щаллу баврил система зузи даву ва паччахIлугърал ва муниципал хIаллихшиннарду хIасул даву. ЦIуссалакрал райондалул хъунаманал хъиривчу Аьвдурашид Буттаевлул бувсунни райондалул икьрал дурну душиву VipNet тIисса комплекс ласун. ЦIанакул ЦIуссалакрал администрациялул сайтрайсса информация му программалувун бутан.
Юсуп МахIаммадовлул кIицI лавгунни райондалул администрациялуща чIирисса чIумул дянив му система ишла дуллай зий, мадарасса давуртту дан ва ккаккияртту гьаз дан бювхъушиву.