ДУГЪУНИЛ ДУШ АЬБИДОВА ПАТIИМАТ
Вай гьантрай, цIуцIи шаний мадара ккуруккавугу дурну, ахиратравун лавгунни оьрмулул 96 шинаву 1-мур ЦIувкIратусса Дугъунил душ Аьбидова ПатIи­мат.
Бувну бур ПатIимат 1-мур ЦIувкIрав 1919 шинал. ЧIивину бунува зий, захIмат буллай ичIува, колхозраву, ПатIиматлул захIматрал кьадру буссия.
ЧIун дирукун, ссяткар ХIа­жи­оьмардун щар хьуна. Дяъви къуртал хьуну махъ Гурьев шагьрулинмай бивзун, тийх ялапар хъанай буссия. ПатIимат бия хъинну хасиятрал бавкьусса, хъамал ххирасса, инсаншиву дусса, яхI-къирият дусса хъамитайпа, махъа маз бакъасса инсан.

ХIажиоьмардул кумаграйну чIявусса цIувкIуллая ссяткартал хьуссар, ПатIиматлулгу, кIу къабивзун, ми инсантал цаннийва ягу бувну, хъинну хIурматгу бувссар.
ПатIимат, ца арс хьхьичIава ивкIуну, арснал арснащал ялапар хъанай буссия. Ваниннин ацIрахъул шиннардил хьхьичI гагу ивкIуну, цила уссил душ Зоял цичIанмайва бувцуна. Хъунмасса барчаллагь Зоянгу, ванил лас Арсен Исрапиловлунгу, хъинну хIурматрай ябувунни.
Оьрму лахъисса бунугу, бакIран чIявусса ккавксса инсан бия ва. ПатIиматлул бивкIулул кьурчIишиву кIидачIлай, жижара буллай буру Зояхь, Арсеннухь, уссурссуннахь, гъан-маччанахь, махъсса цинявннахьвагу. Цил гьав нурданул дуцIиннав, алжан нясив баннав. Махънал оьрмурдай барачат бишиннав. Амин.
1-мур ЦIувкIуллал жяматрал цIания Аьбидов Сулайман

——————————————————

Арснал Русланнул
аьпалун

ЦIан ттуруллул бувгьу баргъ,
Дязанний кьаркьсса тIутIий,
Хъархъаллайх багьсса барххуй,
Тти на вих чув луглава?

Вил жагьил оьрмулунгу
Абадлий ссут дуркIунни,
Ттул гъюжу дурк дакIнингу
Тти кьурукIи дуркIунни.

Ссупралух щябивкIтари
Мудан дакIнийн агьара,
Вил суратрал хьхьичI бавцIун,
«Ачу, бавал», учара.

Ссупралухгу щябивкIун,
Дукралухгу ялугьлай,
Гужирай кьюлтI учара
КьурчIи мукьал бурухIу.

Цацаналгу кьадиртсса
Ва лавмартсса дуниял,
Вингу кьаритан багьссар
Заннал кьадар бувкIуну.
Зайдиева Рукьижат,
ш. Хъусращи

—————————————-

Хъуннасса пашманшиву кIидачIлай, жижара буллай буру Совет Союзрал Виричу, Буттал КIанттул цIанийсса Хъун дяъвилул ветеран
Якьув Сулайманов
дунияллия лагаврийн бувну, мунал гъанцириннахь, агьлу-авладрахь, лакрал жяматрахь.
Якьув Алжаннул ххари аннав, гьаттай нур дизаннав. Махъминнал оьрмурдай барачат бишиннав.
Гьарун Саэдовлул цIанийсса организация, Ваччиял жямат

————————————————

ДакIнийхтуну хъуннасса кьурчIишиву кIидачIлай буру «Дагестанская правда» кказитрал хъунмур редактор Бурлият Токболатоващал, ванил нину
РАЗИЯ
ахиратрал шаврийн бувну. Ниттил рухI хъинний дишиннав, Алжаннул ххари баннав! Махъминнал оьрмурдай барачат бишиннав.
«Илчи» кказитрал коллектив