Щаххуллул ахъулссаннувусса биологически активные вещества чара бакъа аьркинну дур иммунитетран, хъинссар нерварду паракьат дан, анемиялун, авитаминозран, къюкIлил туннурдал цIуцIавурттан, бявкъу-гъили хьуминнан, ччаруллал, ттиликIрал цIуцIавурттан, яруннил, бурчул къашайшивурттан.

Щахлу ишла дайссар дукралун цIуну дунигу, кьакьан дурнугу. Цалчин дирсса ахъулссаннуя (витамин С гьарзану бухьувкун) дайссар сокру, кисель, компот, джем, пастила, мураппа (варенье), чяхир, кканппитIру, ссуттихуннай дартIмуния дай­ссар щаххуллул нагь (облепиховое масло) (вай цирдагу цачIун шайсса дур микIлачIру дагьну мукьах).
Облепиховое маслолуву ду­сса дур каротин ва каротиноидру, токоферон, витаминну К, В1, В2, В6, стеринну ва жирные органические кислоты. Облепиховое масло дур хъинну инсаннал организмалун хайр бусса, мунил щаву хъин дайссар, къюву лагь дайссар, аьвкъу-гъили хьусса, сатиржан хьусса инсаннан хъин­ссар, дурухлу хьун къаритайссар. ЧIявуминнан (цIумулий щаву думиннан) хъинну кIулссар облепиховое масло цуксса дарувсса дуссарив. Вай масло хIачIлан бивкIун мукьах къювурду лагь шайссар, ссибизлазаву дух лагайссар, шанашаву цила пурмалувун дагьайссар. Цаппара нюжмардива инсаннан цалла цIуцIаву хъамаритайссар. ЦIумулийсса щаву хъин даншиврул, облепиховое масло хIачIлан аьркинссар ца-ца чяйлул къуса гьантлун шамийла за дукан 40-60 минутIрал хьхьичI 3-4 нюжмардийсса.
КъабучIиссар цIумулий щаву ва гастрит думиннан цIуну дур­сса сок ва щаххуллул ахъулсса, облепиховое масло къабучIиссар холецистит думиннан, ччя-ччяни хьюму ласласиминнан, поджелудочная железалул къашайминнан.
Щаххуллул гьанна щаращи бувсса щинал инсан ххуйну хьюму ласун айссар. Ца хъу­нна къуса щаххуллул гьаннарал ялун бутIайссар ца стакан щаращи­сса щинал, щаращи дайссар 20 минутIрайсса лагьсса цIарай. Дякъингу диртун, диргьуну, гьантлун 3-ла, дукра дукан 30 минутIрал хьхьичI, хIачIайссар стакандалул шанма бутIул ца бутIа. Щаххуллул чIапIаву чIявуссар витамин С, каротиноидру, фитонцидру, минеральные вещества. Щаххуллул чIапIал чяй хъинссар шану къабиллалисса инсаннан, сси бизлазийни, депрессиялул чIумал, климаксрал чIумал, малокровие, ревматизма, подагра думиннан, ттурчIал къювурдан.
Щаххуллул чIапIив щаращи бувсса щинай бакI вилавгун хъинссар. Вайннул кьатI хъанахъисса чIарарду дацIан дайссар.
ЗуцIун Аллагьнал кабакьиннав.
ЦIуллуну битаннав.Т. ХIажиева