Террорданийн къаршину

gor_13Сентябрь зурул 3-нний Аьрасатнаву кIицI ларгунни Террорданущалсса талатаврил цашиврул кьини

Ва кьини щалвагу билаятрай ларгунни террорданул иширттаву ливтIуми дакIнийн бичлачисса давуртту.

ТачIавгу жула халкьуннал дакIния къадукканссар тарихраву лухIи кьинину личIантIисса Беслан шагьрулий теракт дурсса кьини.
Му терактраву ливтIуми дакIнийн бичлачисса акция хьунни вай гьантрай ЦIуссалакрал райондалий ЦIуссачIурттащиял школалий (сош №1). ХьхьичI кьинира дуклаки оьрчIал хIадур дурну дия терроризмалийн къаршисса плакатру ва транспорантру. Дарсру дайдишин хьхьичI ларгунни «Терроризм не пройдет» тIисса цIанилусса флешмоб. Дарсру дирхьуну махъ, дуклаки оьрчIругу, учительталгу школалул кьатIув бувккунни. «Терроризм не пройдет!», «Дети против терроризма!», «Нет терроризму!», «Дагестан и Россия едины!», «Нет фашизму!», «Мы за мир на Кавказе!» тIисса ва цаймигу личIи-личIисса плакатирттащал ва транспорантирттащал, каругу дургьуну, вай бавцIуну бия Хасаврая ЦIуссалаккуйн нанисса ххуллуцIух. ЦIуссачIурттащиял учительтурал ва дуклаки оьрчIал дурсса акциялул мурад бия террорданущалсса талатавриву жямат цану бушиву, терроризмалул ва экстремизмалул масъалартту ххишаласса къулагъасралун ласун аьркиншиву ккаккан баву.
Му бакъассагу, вава школалий байбихьулул классирттаву хьуна асфальтрай сурат дишаврил конкурс. Суратирттай оьрчIал аьч бувну бия дяъвилул ва дакьаврил хIакъиравусса цала пикрирду. ЧIяруми суратру дия дакьаву чIа тIисса. Ва акция къуртал хьуна мюрщи оьрчIал дакьаврихасса назмурду дуккаврийну.