Июньдалул 20-22-нний Якутск шагьрулий хьунни лачIунбуккаврил Аьрасатнал чемпионат. Командарттал ларсъсса медаллу хIисавну Дагъусттаннал лачIунбуккултрал цалчинмур кIану бувгьунни. Республикалул цачIундур командалуву ивкIссар 50 лачIунукку, миннал дурххуссар 12 медаль, миннувату 3 мусил, 3 арцул, ва 6 чарвитул дур.
ХIасан Аьдилов
Цалла-цалла чурххал кIуши­вурттай билаятрал чемпионтал хьуну бур Аьбдурашид Сааьдуллаев (86 кило), Аьбдуссалам ХIадисов (97 кило), Мурадин Кушхов (125 кило).
КIилчинми кIанттурду бувгьуну бур Шихсяид Жалиловлул (68 кило), Шамил КIудиявмахIаммадовлул (86 кило), Якьуб Шихжамаловлул (74 кило).
Чарвитул медаллан лайкь хьуну бур Мурад НухIкьадиев (61 кило), Бекхан Гойгереев, МахIаммад Кьурбанаьлиев (68 кило), АхIмад ЧIакаев (68 кило), Арслан Арсланов (70 кило), Камал Маликов (74 кило), Арсланбек Аьлиев (125 кило).
Аьрасатнал чемпионатрай личIи бувссар УзбакIнал хъуншагьру Ташкантлив сентябрьданий хьунтIисса дунияллул чемпионат­райн гьансса лачIунбуккулт.