Лахьхьу Лакрал райондалий дунни Аьрасатнал Кьини кIицI дуллалисса байран. Байран сакин дурну дия райондалул Магьирлугърал идаралул. Муний гьуртту хьунни райондалул администрациялул бакIчинал хъиривчу Соня Макьаева, идарарттал хъуними ва зузалт, дуклаки оьрчIру.
Зулайхат Тахакьаева
Администрациялул бакIчинал хъиривчу Соня Макьаевал цилва ихтилатраву кIицI лавгуна Аьрасатнал кьини жулва билаятрай яла «жагьилмур байран» хъанахъишиву, Дагъусттаннал кьадар 200 шинал манзилданий АьрасатнацIун бавхIуну бухьувкун, хаснува хIакьину, Украиннайн ливксса балаллул чIалачIиндарай, жунма хъиннува исват хъанай душиву жула дянивсса цашиву ва дакьаву дуруччаврил агьамшиву.
Дуклаки оьрчIал дурккуна Аьрасатнахасса назмурду. Магьирлугърал зузалтрал ккаккан дуруна концерт.