Аьрасатнал гьаннарал яттил выставкалий

l_9Уттигъанну Къалмукьнал Республикалий Элиста шагьрулий хьунни 16-мур Щалвагу Аьрасатнал гьаннарал яттил выставка. Та выставкалий ДР-лул вакилтурал дурххунни 21 медаль. Гьашину Дагъусттаннал ризкьичитурал дукIунияр чIярусса медаллу дурххунни: 8 мусил, 7 арцул ва 6 чарвитул медаль.

ХIасан Аьдилов
Выставкалий гьуртту хьу­ссар Аьрасатнал регионнал яла хьхьичIунми ятту ябайсса хозяйствартту. Дагъусттанная гьуртту хьуссар Гъуниннал райондалул агрофирма «Согратль» ва крестьянтурал хозяйство «АФ Чох»; Казбековуллал райондалул СПК «Красный Октябрь»; Гумбетуллал райондалул СПК «Мехельтинский»; Бущихъиял райондалул СПК «Гурхел»; Буйнакскаллал райондалул КФХ «Архар»; Нугъайннал райондалул ООО «Червленые буруны»; МахIачкъалаллал КФХ «Азамат» ва цаймигу.
Выставкалий ккаккан бувсса Дагъусттаннал цаппара жинсирдал яттин (грозненская, дагестанская горная, лезгинская, тушинская ва андийская) ларайми даражалул наградартту дуллуссар кьимат бищаврил.
Экспертрал комиссиялул кьимат бищаврил давурттал хIасиллайн бувну, мусил медаллу дуллуссар «Согратль» агрофирмалун, «Архар» КФХ-лун, «Красный Октябрь» СПК-ран, Дудар Аьлиевич ПЗ СКА-ран, Рутуллал райондалул «Восток-2» СПК-ран, «Азамат» КХ ООО-ран, «Мехельтинский» ООО-ран.