Апрельданул 16-нний Совет Союзрал Виричу, 1941-1945 шиннардил Буттал КIанттул цIанийсса Хъундяъвилул ветеран Якьув СулаймановлучIан шавайн увкIунни Республикалул БакIчи Рамазан АьбдуллатIипов.
ХI. Аьдилов
Якьув Сулаймановлул бивтссар виричунал оьрмулул ххуллу – Буттал КIанттул цIанийсса Хъун дяъвилий дуручлай ивкIссар Ватандалул тархъаншиву, ялун бучIантIимур, дяъвилия махъ эяллу хьусса билаят ччаннай бацIан буллай ивкIссар.
Р. АьбдуллатIиповлул ветераннахь увкунни: «Зу, тархъаншиврухлу талай бивкIминнал, бюхттулсса-бусравсса оьрму бутлай буру. Зуя эбрат ласаван аьркинссар, жулва оьрчIру, жагьилтал тарбия буллан аьркинни ина кунмасса инсантурал ккаккан дурсса виричушивурттайн хъар рутлай, зу эбратну ккаклай».
Республикалул БакIчинал барчаллагь увкунни цува хIурматрай кьамул аврихлу, Совет Союзрал Виричунан чIа увкунни цIуллушиву ва дуллунни багьлул ххирасса бахшишгу, бунни арцуйнусса кумаггу.
