Ххуйсса хIасиллу чIиру ласавриву хьун дурну дур УнцIукIуллал, Лаващиял, Гумбетуллал, Шамиллал ва Ахттиял районнал хозяйстварттал.
Хозяйстварттавату хьхьи­чIунмину дур ЧIарадиял райондалул Орджоникидзел цIанийсса СПК ва К. Марклул цIанийссахозяйствартту, Лаващиял райондалул «Победа», Ахъушиял райондалул «Акуша», «Восход», Ахттиял райондалул «Берекет» ва цаймигу. Ми хозяйстварттаву 100 ттан лавсун бур 100 чIи.
2013 шинал ДР-лул ризкьи ябаврил программалул ккаккан бувну, ятту гьарза баврин харж дурсса арцу лахъаншиврул, федерал ва республикалул бюджетирттавату личIи дурну диркIссар 341 млн. къурушир­ттал субсидияртту.
Гьашину мива иширттан хасну личIи дурну дур 200 млн. къуруширттал, миннувату 10 млн. – республикалул бюджет­равату. ЦIанасса ппурттуву ятту ябан харж дурсса арцухлусса субсидияртту ласунсса документру кьамул буллай бур.