МахIачкъалаллал «Анжи» командалул тIайлабацIулул дайдихьу хьунуккар, цалчинмур тIуркIулувува ххув хьунни яла хьхьичIунми командарттавасса цаннун ккаллисса «Рубиндалуяр».
ХIасан Аьдилов
Къазаннал «Рубиндалущал» «Анжи» ччалли дуклай дия ичIура, ххувгу хьунни 1:0 счетрайну. Гол бавкьунни МахIачкъалаллал командалул форвардну хъанахъисса Александр Бухаровлул тIуркIулул 83-мур минутIраву, Одил АхIмадовлул подачалия махъ.
ТIуркIулух тамаша буллай бия Республикалул БакIчи Рамазан АьбдуллатIипов, «Анжи» клубрал заллу Сулайман Керимов ва дагъусттанлувтуран ххира хьусса футболчи Самуэль Это О.
Цалчинмур ххувшаву чемпионатрай ларсун махъ «Анжилул» бур 11 очко, амма уттигу жулла команда турнирдал таблицалул махъва-махъмур ххуттай дур. Жулла командалул хъиривмур тIуркIу хьунтIиссар Москавлив мартрал 17-нний «Спартакращал».
ТIуркIу бяливчIсса чIумал тамашалий ивкIсса жулла командалул капитан Это Он Рамазан АьбдуллатIиповлул дуллунни ДР-лул яла лараймур награда – «Орден за заслуги перед Дагестаном».
«Анжи» — «Рубин» — 1:0
«Анжи»: Кержаков, Ещенко, ХIажибеков, Григолава, ТIагьирбеков (Быстров), АхIмадов, Мкртчян, Аьлиев (Билялиттинов), Смолов (Сердеров), Бухаров.
«Рубин»: Рыжиков, Кузьмин, Навас, Бурлак, Набиуллин, Камбалов (Муллин), Могилевец, Торбинский (Нуров), Еременко, Къарадениз, Девич.
