Мартрал 1-нний «Анжи-Ареналий» Дагъусттаннай цалчин дуллай бур «Сборная мира против сборной Дагестана» тIисса ММА-рал дандибуккавуртту.

ХI. Аьдилов
Вай хьунтIиссар дунияллул халкьуннал даражалийсса бяст-ччаллу, цанчирча МахIачкъалаллал «Анжи-Ареналий» биллантIиссар Американал, Бразилиянал, Голландиянал, Белоруссиянал ва Украиннал чарххичитал. Ца кьини 12 профессионалтурал чут дуккантIиссар биллан. Бяст-ччаллу байбихьлай бур 18 ссятраву.
Дандибуккавуртту сакин дуллай ур Дагъусттаннайсса ММА-рал президент Аьбдулкерим Айгунов. Ванан бяст-ччаллу щаллу бан гьарца чулуха кумаг буллай ур, спонсор хIисаврай, Гъази Мулинович Гъазиев, ДР-лул Халкьуннал Мажлисрал депутат. Бусравсса хъамал хIисаврай бяст-ччаллах тамаша буллантIиссар ДР-лул спортрал министр, ДР-лул Виваллил иширттал министр, Чачаннал Республикалул ва Ингушетиянал Республикалул бакIчитал ва цаймигу.
Бухьхьияра тамашалийн.