ДукIусса шинал ахирданий Ккуллал райондалул Культуралул управлениялул хъунама аххана увну, цIуну бивтунни Ибрагьимова Марина МахIаммадовна. Марина Ибрагьимова СумбатIуллал шяраватуссар. Ванил 1989-ку шинал Ваччав къуртал бувссар 10 класс. Ганияр махъ 1992-ку шинал ванил ЯтIулсса дипломращал къуртал бувссар Дагъусттаннал культуралул училище. Гара шинал ва зун бивкIссар райондалул культуралул къатлуву. 1994-ку шинал ва бивтссар райондалул культуралул къатлул директорну. ДукIу 2013-ку шинал заочнайну дуклай, ванил къуртал бувну бур, А.И. Герценнул цIанийсса «Российский Государственный педагогический университет». Марина МахIаммадовнал чIярусса давурттив дурссар Ккуллал райондалул халкьуннал ирсирай жунна кьадиртсса аьдатру фестиваллайн, конкурсирттайн дуккан дувангу. Жувагу мукьахунмайгу Маринан жула культуралул давурттив хъиннура хьхьичIуннай давриву тIайлабацIуртту чIа учинну.

ХIажимурад ХIусайнов