Вай гьантрай МахIачкъала шагьрулул администрациялий ДР-лул Халкьуннал Мажлисрал Председатель Х. Шихсаидов, ДР-лул Президентнал ва ХIукуматрал Администрациялул каялувчи Ш. Шагьов, ДР-лул Президентнал Виваллил политикалул управлениялул хъунама А. Исрапилов хьунабавкьунни шагьрулул активращал, шагьрулул администрациялул подразделениярттал каялувчитуращал, Шагьрулул собраниялул депутатътуращал.
«Дагестан» РИА-лул баян бувсса куццуй, ДР-лул Президентнал Виваллил политикалул управлениялий ххалбивгьуну бур кIанттул цилакаялувшиврул органнал хьхьичI бавцIусса агьамсса масъалартту. Миннавух ххалбивгьуну бур шагьрулул хозяйство кIинтнил чIумуйн хIадур даврилмур масъалагу.
Хьунабакьаврий ккаккан увну ур цIуну ивтсса шагьрулул администрациялул бакIчинал хъиривчу М. Рабаданов. Шагьрулул хъунаманал кIанайма Б. МахIаммадов отпускалийн лагаврицIун бавхIуну, М. Рабаданов мэрнал буржру биттур буллантIиссар.
2007 шиная шинай Муртузяли Рабаданов зий ивкIссар ДГУ-рал ректорну, га жяматран бусравнугу ур элмулул сакиншинначи хIисаврай. М. Рабаданов кIулну ур мукуна хьхьичIунайсса элмулул ишккакку, физикалул ва математикалул элмурдал доктор, профессор хIисаврай.