Аьрасатнал Федерациялул Президентнал 2012 шинал майрал 7-нний къулбасру дурну диркIссар 11 хIукмулий. Миннуй ккаккан бувну бур ялун нанисса гъансса ва дянивсса чIумал жулва билаят хьхьичIунмай бачин буллансса агьамми ххуллурду. Аьрасатнал Президентнал ХIукмурдаву чIалачIи бувну бур агьалинал маэшат ххуй бансса – инсантал къатрал щаллу бансса, ЖКХ-лул хIаллихшинну ххуй дансса, социал масъалартту щаллу бансса, бюджетрал сфералул зузалтран харжру ххи бансса, демографиялул тагьар ххуй дансса, дуккаврил, элмулул, цIуллушиву дуруччаврил бутIравусса паччахIлугърал политика ишакаш дансса, паччахIлугърал управлениялул система цахъисгу ххуй дансса чаранну.
Экономикалул реформа даврил мурадру ва ми бакIуйн буккан бансса чаранну ккаккан бувну бур «О долгосрочной Экономической политике» тIисса АьФ-лул Президентнал ХIукмулий. Му ХIукмулул ккаккан бувсса агьамми масъаларттуну хъанай бур зузи кIанттурду дузал баву, ВВП-раву лавайсса даражалул технологиярттал продукциялул бутIа ва экономикалул элмулийн чул бивщусса бутIри гьарза баву ва захIматрал лябукку баву.
2012 шинал декабрьданул 20-нний бувксса ДР-лул ХIукуматрал ХIукмулийну цIакь дурссар ДР-лий «О долгосрочной государственной экономической политике» тIисса АьФ-лул Президентнал ХIукму ишакаш баврин хасъсса давурттал план. Пландалий дан ккаккан дурну дур: цIусса ттизаманнул производствартту дузал дан, республикалий зузисса компанияртту лябуккан бан, агьамсса инвестициярдал проектру ишакаш даврил мухIлухIин ххуй дан ва республикалул промышленностьрал комплексрал предприятиярттан кумаг бан.
Ккаккан дурсса давурттал план ишакаш даву мурадрай, кьамул дурссар «Развитие сельского хозяйства и регулирование рынков сельскохозяйственной продукции, сырья и продовольствия на 2013-2020 годы», « Развитие здравоохранения в Республике Дагестан на 2013-2017 годы», «Развитие культуры в Республике Дагестан на 2013-2017 годы» тIисса республикалул программартту.
Мукунна исполнительный властьрал жаваблувсса органнал, хIадургу дурну, паччахIлугърал властьрал федерал органнайн предложенияртту дуллуссар «Развитие здравоохранения», «Развитие образования», «Культура России», «Социальная поддержка граждан», «Развитие науки и технологии» ва «Развитие транспортной системы» тIисса паччахIлугърал программарттавун духхан даншиврул.
Республикалий сакин дурссар инвестициярдал проектирдал сияхI, 32 проектрал бур ДР-лул приоритетсса яни агьамсса инвестициялул проектрал статус.
ЦIана чялишну ишакаш дуллалисса проектирдан ккаллину дур «Строительство завода по производству листового стекла», «Создание автомобилестроительного предприятия по выпуску коммерческих автомобилей», «Строительство завода по производству непрерывного базальтового волокна и специальных стеклянных волокон», «Создание индустриально-строительного комплекса «Каспий», «Приоритетная программа развития сельского хозяйства с внедрением американской техники и технологий в Республике Дагестан на 2011-2013 годы», «Строительство и эксплуатация комплекса по переработке и хранению нефтепродуктов», «Создание и развитие «Агротехнопарка «АгроДагИталия» на базе итальянских агромодулей» ва цаймигу проектру.
Мигу, шикку кIицI къадурсса цаймигу проектру ишакаш даврийну дузал хьунтIиссар 24,9 азарва зузи кIану ва дучIантIиссар 76,3 млрд. къурушру инвестициярдал.
ЗахIматрал лябукку хьуншиврул промышленностьрал гьануми бутIрал предприятиярттай дуллай бур зузисса технологиярттал комплексирдал модернизация (ООО «Дагестан Стекло Тара», ОАО «Концер КЭМЗ», ОАО «Завод Дагдизель»). 2012 шинал шяраваллил хозяйствалуву захIматрал лябукку хьуссар 4,6 процентрал.
Республикалий ккаккан бувну бур рынокрал тIалавшин дусса ларайсса даражалул продукция дуккан дайсса инвестициярдал проектру хIадур даву ва ми ишакаш даву.
СНГ-лул билаятирттащал ва цаймигу билаятирттащал уртакьну зузаву цIакь даншиврул, Дагъусттаннал делегация гьар шинах гьуртту хъанай бур дунияллул халкьуннал форумирттай, выставка-ярмукIардай, семинардай.
2013 шинал республикалий дан най бур 15 выставка-ярмукIа. ЦIанасса ппурттуву хIадур хъанай бур республикалий Дагъусттаннал «Экономикалул Форум – 2013» бан.
Ва ХIукму республикалий ишакаш баврин хасъсса даву ттинияр тихуннайгу дуллантIиссар.
Таржума ХI. Аьдиловлул
