Рамазан АьбдуллатIипов хьунаавкьунни СМИ-рдал каялувчитуращал

dog_24Майрал 21-нний, Республикалул паччахIлугърал вещаниялул «Дагестан» компаниялул къатраву, ДР-лул Президентнал кIанайма Рамазан АьбдуллатIипов хьунаавкьунни паччахIлугърал СМИ-рдал вакилтуращал.

Хьунабакьаврий гьуртту хьунни ДР-лул ХIукуматрал Председательнал 1-ма хъиривчу Анатолий Карибов, ДР-лул печатьрал ва информациялул министрнал кIанайма УмархIусман ХIажиев, ДР-лул Президентнал ва ХIукуматрал прессалул къуллугърал каялувчи МахIаммадбаг АхIмадов, паччахIлугърал СМИ-рдал вакилтал. 
Ххалбигьлай бия Массовый информациярттал средстварттай республикалул властьрал давур­ттая чичлачаврил ва бусласаврил масъала. Ихтилатру бия агьалинахь буслан аьркиншиву Дагъусттан хьхьичIунмай хъит учаврил агьамми ххуллурдая, паччахIлугърал СМИ-рдал давурттая мюнпат ххишала баврия, мукунна агьалинащалсса дахIаву ххуйну щаллу даврия.
Муния махъ Дагъусттаннал бакIчи гьуртту хьунни, шадлугърал тагьардануву, цифралул телевещание дайдишавриву.