Евразиянал чемпионатрай

sport_2Мартрал 29-31-нний Бакуй хьунни М-1 ва К-1 версиярттайсса стритфайтинграл Европанал чемпионат (хIала-ккаласса боевой искусствардал чемпионат).

Тикку цалчинми кIанттурду бувгьунни «ММА» клубрал тренер, «Ориентал» версиялул дандибуккавурттал федерациялул президент Аьбдулкерим Айгуновлул вардиш буллалисса оьрчIал: МахIаммадов ХIажимурадлул 1-мур кIану бувгьуну, чемпионнал мухIлугу ларсунни (70 кило); ХIусайн ХIажиевлул (35 кило); ХIасан ХIажиевлул; Ибрагьим Кьурбановлул (40 килорай); Кьурбан Адзиевлул (45 кило); Руслан МахIаммадовлул бувгьунни 3-мур кIану. Дагъусттаннал командалул ва чемпионатрай 1-мур кIану бувгьуссар. Ца цамагу тренерну зузисса лаккучу Олег МахIаммадовлул вардиш буллалисса спортчитурал хьхьичIунсса кIанттурду бувгьуну бур.