Апрельданул 10-нний Журналистурал пресс-клубраву хьунни чIал къавхьуну Дагъусттаннай хьунтIисса цалчинсса образовательная выставкалун хас дурсса пресс-конференция. Щалвагу Аьрасатнал лагрулийсса му выставка «Путь к карьере: ученик – студент – профессионал» тIисса цIанилу дикIантIий дур Р. ХIамзатовлул цIанийсса Миллатрал библиотекалуву апрель зурул 19-20-нний.

«Ваше дело» медиа-холдинграл вакил Динара Аджаматовал бувсунни му выставкалий ххал бигьинтIишиву Аьрасатнал образованиялул модернизациялул инновациялул программалул масъалартту, дуккаврил даража гьаз баву мурад­райсса цаймигу ххуллу-чаранну, цIу-цIусса информацион технологияртту ишла дуллалаву.
«ХьунтIисса абитуриентътуран касмурду яла дугьангу кумаг бан ччай бур жун, му выставкалий дагъусттаннал вузирдал дакъагу, аьра­сатнал университетирттал филиаллалгу гьурттушинна дантIиссар», — увкунни Аджаматовал. КIицI лавгсса медиа-холдинграцIун выставкалул сиптачитал бур НОУ «Гений». Му идаралул вакил Ларрита Раджабовал бувсунни выставка нанисса гьантрай оьрчIан дуккаврих гъира бакъашиврул тема аьч дуллалисса, ЕГЭ-раясса дискуссиялул клубругу хьунтIишиву.