Хъаннийн бур щалва умуд

filas_19Мартрал 4-нний Каспийск шагьрулийсса «Москва» тIисса культуралул центрдануву дунни, 8-мур мартрал кьинилун хасъсса, ДР-лул Президентнал цIаниятусса, хъаннинсса хъамалушин.

ХIасан Аьдилов
Тикку гьуртту хьунни ДР-лул Халкьуннал Мажлисрал Председатель Хизри Шихсаидов, ДР-лул ХIукуматрал Председатель Мухтар Мажидов, цаймигу къуллугъчитал, хъами – республикалул жяматийсса иш­ккаккулт.
Республикалул каялувчи Рамазан АьбдуллатIиповлул бавтIминнахь барча увкунни ялун нанисса Хъаннил байран. Ганал бувсунни жулва жяматраву хъаннил цуксса хъуннасса мяъна дуссарив, цуксса агьамсса кIану бугьлагьиссарив. Читать далее

Герман Грефлул совещаниялий

filas_18Мартрал 5-нний ДР-лул Президентнал кIанайсса Рамазан АьбдуллатIипов бакIчисса Дагъусттаннал делегация гьуртту хьунни «Сбербанк России» ОАО-лул хъунама Герман Грефлул дуллалисса семинар-совещаниялий.

Дагъусттаннаясса делегациялувух бивкIссар ДР-лул ХIукуматрал Председатель Мухтар Мажидов, ганал хъиривчутал, ДР-лул Хъунмур банкирал председатель Сиражуттин Илиясов ва республикалул министерстварттал ва ведомстварттал бакIчитал. Читать далее

Янна щащай фабрика буллан най бур

filas_16Мартрал 4-нний ДР-лул Президентнал кIанайма Рамазан АьбдуллатIипов гьуртту хьунни «Нергиз-Дагестан» тIисса Турциянал ва Дагъусттаннал янна щащай фабрика баврил цалчинсса чару бишаврин хасъсса шадлугърай.

Ва 800 млн. доллардансса проект ишакаш дуллантIиссар 3 шинал лажиндарай. Инвесторнал цалчинмур хъус (продукция) ласунтIиссар фабрика буллай байбивхьуну махъ ца шин лях ларгукун. Шикку дуллантIиссар ххаллу, зунтIиссар янна щащай станокру, дуллантIиссар лаххан хIадурсса янна. Читать далее

Гьарцагу райондалий бикIантIиссар МФЦ

filas_15МахIачкъалалив мартрал 4-нний Миллатирттал библиотекалул конференц-залдануву хьунни Дагъусттан Республикалий хIукуматрал ва муниципал хIаллихшиннардил даража лахъ бавриха зузисса Комиссиялул батIаву.

 З. АьбдурахIманова 
БатIаву дачин дурну ия ДР-лул ХIукуматрал председательнал хъиривчу Абусупиян Хархаров. Мукунна шикку гьурттушинна дурунни ДР-лул экономикалул министрнал и.о. Раюдин Юсуповлул, ДР-лул телекоммуникациярттал ва связьрал министрнал и.о. Сефер Аьлиевлул, республикалул шагьрурдал ва районнал каялувчитурал.Комиссиялул даву дайдихьлай, Абусупиян Хархаровлул кIицI лавгунни, хIукуматрал ва муниципал хIаллихшиннардил даража лахъ баврил биялдаралу душиву халкьуннал хIукуматрал къуллугъирттайнсса вихшала. Читать далее

Шяраваллил хозяйствалул кооперация лябуккан бан

filas_14Мартрал 5-нний ДР-лул Шяраваллил хозяйствалул министерствалий хьунни «ДР-лул шяраваллил хозяйствалул кооперациялул цIанасса тагьар ва мунил ялун бучIанмур» тIисса масъалалун хасъсса «ккуркки стол». Га бачин бувну ия шяраваллил хозяйствалул министрнал хъиривчу Шарип Шарипов.

ХIасан Аьдилов
БатIаврий гьуртту хьунни министерствалул жаваблувсса зузалт, районнал шяраваллил хозяйствалул управлениярттал хъуними, журналистътал. Читать далее

Маз – миллатрал вирдакIри

filas_11Жулва хьхьичI бавцIусса яла хъунмур бурж – лакку маз ябаву бухьувкун, лакку маз ябаврил ххуллийсса давурттив ччя-ччяни дувару жу, «Илчилул» редакциялул. Мукунсса даву хьунни ларгсса нюжмар кьини редакциялийсса хьунабакьавугу. Миллат­рал кказитрай зузиминнащал кIул хьун бувкIун бия редакциялийн Дагъусттаннал университетрал филологиялул факультетрал лакрал отделениялул студентътал ва миннахь дарс дихьлахьисса аьлимчу, доцент Роза Эльдарова. Читать далее

МарцIшиву дуручлай

filas_13ДР-лул Президентнал буржру чIумуйну биттур буллалиману Рамазан АьбдуллатIипов ивтун махъ, республикалул агьалинаву хъинмунийнсса, ххуймунийнсса умудру цIулавгунни, мукунна властьрайнсса вихшалагу. ЦIуну итайхтува, ДР-лул Президент ивунни цаппарасса районнайн. Миннул бакIчитурай бигарду бивхьунни, кутIасса чIумул мутталий, ччюрклицIа марцI дуван районну. Уттивагу марцI банхьуви шагьрурду ва шяраваллурду ччюрклицIа. Читать далее

Халкьуннал ядурмурди магьирлугъ

filas_12Февраль зурул 28-нний Оьруснал театрдануву диркIсса МухIсин Камаловлул концертгу, хьхьичIрасса шаннагу концерт кунна, Дагъусттаннал магьирлугърал тарихраву хьусса ца хъуннасса байрандалун ккалли дан бучIисса дия.

ХIакьину ца Дагъусттаннай ва Аьрасатнаву дакъассагу, щалла дунияллийра тIутIайх дичлай дур шоу-бизнес. Гьамин, мунил ялун бигьаврийну хъуннасса нигьачIавриву дур халкьуннал хIакьсса магьирлугъ. Балайчиталгу бур кIива журалул: цавай бур бюхъу-гьунар бакъасса, муницIунма халкьуннал магьирлугърал хъисвагу буруккин бакъа, анжагъ, арцу лякъин балай тIутIисса. На ми балайчитуран ккаллигума ци бави, миннайн заралчитал учара. Цанчирча цала цIу-цIанпIир бакъасса балайрдайну ялун нанисса ник къуркъа дуллай буну тIий. Читать далее

filas_10Ларгсса шинал октябрь зурул ахирданий МахIачкъалалив бувкIун буссия машгьурсса фотожурналист, цаппарасса шиннардий «Новая газеталул» спецкоррну зий бивкIсса Виктория Ивлева.
Таний ванил Дагъусттаннал журналистуращалсса хьунабакьаврия жу жулва кказитрайгу бивщуссия («Илчи» №43 2 ноябрь 2012 ш. лаж. 20). Ивлевал личIи-личIисса билаятирттайнсса, «кIирисса точкардайнсса» цилва аьрххирдая бусласимур гьарзат бюххансса, асар хьунсса бия. Гуржи, Армения, Къарабах, Преднестровье, Таджикисттан, Афганисттан, Руанда… Читать далее

Щарсса дакI тIайласса духьурча ссал къабагьари

filas_9Бур миллатру щарнил ниттихъая анекдотру бусласисса, гайнная къарязисса, шярал хаварду буслай, оькки буллалисса. Нажагьгу акъахьунссар ми къабавсса. Амма ттун къабавссар лакраяту цала щарнил ниттихъая къумасса, цалва кулпат мунил зия бунни тIисса. Ялунгума чIявусса бикIай кулпатру га цала ниттин ккалли дайсса. Ттун ккавкссар щарнил нинухъру цалва душварахун дяъвайсса, щар хьуну махъ, оьрчIру хьуну махъ, кулпат ябан аьркинссар, ласнал къатлуву ласнаха, ганал нитти-буттаха хIурмат бан аьркинссар, яхI бан аьркинссар тIий, цалва душварахь насихIат бусласисса, га кулпатраву винма къатIааьнсса кIантту бухьурчагу, хIарачат, яхI бан аьркинссар тIутIисса. Читать далее

КIулшиврул щаращул щин дачIлайнмасса муаьллим

filas_8Лахъсса зунттавусса, Ккуллал райондалийсса, чансса инсантал яхъанахъисса Ссухъиящиял шяраваллил оьрчIан бахтти хьуну бур, Исмаева КьурбанпатIима Кьадараннал душ ва шяраву ляхъавугу.

Учитель. Ва кутIасса мукъувун лавгун бур, щаращи тIисса мукъувун кунма, инсаннал оьрмулул кьинирдал тIайлабацIу шаврил ва къашаврил му­тта. Щаращуя щин хIачIан кIара ивхьуну нахIала бувайхту, гай щинах мякьсса чурххал базурдавун щин дияйхту, буниялагу чурхгу таза бувккун, цила бущилий тарг тIун бикIай. Читать далее

Бусравну оьрму бутаву виричушивур

filas_7Ци дур зул давриву яла тIааьнмур, ххуймур тIий цIуххаву дуллалийни на, пикри къабувну, учивияв ххуй-ххуйсса, дугърисса, оьрмулул дуцири захIматшивуртту дугу-дурхIуну, оьрмулул ххуллу лайкьну бувтсса инсантуращалсса кIулшавуртту дур, куну. Уттигъанну жулва редакциялий на кIул хьура Ккуллал райондалий бакъа, шилу, МахIачкъалаливгу бусрав-хIурматрай оьрму бувтсса СумбатIуллал шяравасса Аьбдуллаева Жамилат Аьбдуллагьлул душнищал. Жамилат жучIан бувкIун бия цилва аьрххилий. Читать далее

АьнтIикIардава аьнтIикIа язи бугьан къабигьар

filas_6Махъппурттуву ххуйшиврул ва исвагьишиврул сфералуву зузисса, Аьрасатнал шоу-бизнесраву машгьурсса хьхьичIунсса стилистурал, балайчитурал ва киноактертурал ца яла ччя-ччяни тикрал байми махъру бусса бур «Ухссавнил Ккавкказуллал душру яла ккаккан авурми душру бур», тIими махъру. Мунил тасттикьшиннаран кIицI лагавияв ларгмур шинал Австриянаву хьусса «Мисс Австрия» ххуйшиврул конкурсраву ххув хьусса жулва лакку душгу.  Читать далее

Къашайшалал къюву рахIат дуллай

barcha_746 шинал мутталий хирургнал урчIакану зий, операция баннин инсантал шанаши буллалисса Рамазан МахIаммадовлул ка сававшиврия буслай бикIай ванайн дазу дакъа барчаллагьрайсса инсантал

«ЧIиллухьхьун къабирияннав» тIун бикIай, инсан захIматсса цIуцIаврил увгьусса чIумал. ЧIиллуща ххассал къашайшиву бувчIукунгу, «Ка сававсса хIакиннайн бакIрайн багьаннав», учай. Аллагьнайн лабизаврищал, хирургнайнгу иман дихьлан бикIару мукунсса иширттаву. Читать далее

Барча буллай буру

barcha_1КIямашрал жяматран бакъа чара бакъасса, хIурмат бусса, жулла шяраваллил ххаришиврия ва къумашиврия махъ чичайсса Аьбдуллаева Загьрани барча буллай буру уттигъанну оьрмулул 50 шин бартларгсса юбилейращал ва ялун нанисса 8-мур мартрал Хъаннил байрандалущал.
ХIурмат бусса Загьраний! Ина уттиния тинмайгу 80, 90 шин оьрмулул хьуну, ми шадлугъру цIуллуну-сагъну хьунадакьлай ккакканнав.
Вихьхьун цIуллушиву дулуннав, цIу-цIусса ххаришивуртту ялун дияннав, ина чан къабаннав жула жяматран! Читать далее

Буттал къатта

filas_5КIия арс ялагу дяъвилул цIараву бусса жул нитти-буттал цалла думуния цайми махIрум къабайва. Жул шанма оьл бия. КIива цадакьалун цайминнал ттизайва. Ца-ца чIумал жунна накI къалирчIсса чIунгума шайва. Та чIумал жул шяраву ца Попов тIисса оьрус ия почтальонну. Ккурккимай, цIуму, бадаку, чагъар лавсун увкIукун танан булун хIадур бувнува бикIайва ниттил. Жу бусса мащилул тия чулий хъуннасса ар дия. Арнил лув хъуннасса нехгу дия, мащилийн бияннин лахъан аьркинсса. Читать далее

ЦIусса къуллугъ

filas_4Вай гьантрай Лакрал райондалул Счетный палаталул председательну ивтунни Камиллул арс Куччаев ХIусайн
ХIусайн увссар Гъумучиял шяраву. Дянивмур даражалул школа къуртал байхту, дуклан увхссар МахIачкъалаллал машлул зузалт ва дукра дувултрал хIадур байсса училищалувун. Му къуртал байхту, увцуссар армиялийн. Читать далее

Шаэртурал шяравалу

filas_3Ва шяравур лявхъу­сса элмурдал мяйя доктор ва мукьцIалунначIан бивсса кандидатътал, халкьуннал хозяйствалул чIявусса пишакартал, цивппагу цIанакул жулва билаятрал личIи-личIисса кIанттурдай лажин кIялану зузисса. Шяраваллил кьатIувгу машгьур хьуссар шикку лявхъусса цIанихсса багъманчитурал, найрдучитурал цIарду. Читать далее

Бусравми лагманан эбратри

filas_2ХьхьичIунсса паччахIлугърал ва жяматийсса ишккакку, дурккучу ЦIаххаев Зулпукьар Закарияевич увну вай гьантрай 110 шин там хъанай дур.

А. Аьбдуллаева
Зулпукьар Закарияевич Дагъусттан хьхьичIунмай шавриву хъунмасса захIматрал бутIа бивхьуминнавасса цар. ПаччахIлугъралгу, Дагъус­ттаннал жяматралгу мунал захIматран лавайсса кьимат бивщуссар. Читать далее

Ттаттал рухI Лаккуйн дирссар

Буттал кIанттул цIанийсса дяъвилий ятIа-тIар бакъултравух бивкIсса чIявусса фронтовиктурал бакIрачIан бувкIмур кIул бан хьунсса кIанттурду ялун ливчунни махъсса шиннардий. Дяъвилул аваралуву документирттай тамансса фронтовиктурал цIарду дахханану дагьну, аьралитурал сияхIру цIакь дуллалисса компьютердал база къабивкIсса чIуннардий, цикссагу аскартал ливчIунни чув ливтIуссарив, чув бувччуну буссарив, ци кьадар бакIрачIан бувкIссарив махъминнан къакIулнува. БакIрайва тIийкун, ва ишираву тIайлабацIу хьуссагу чан бакъар. Читать далее

Мидухъал Аьлиясса бусала

filas_1Мидухъал Аьли увну ур ЧIурттащиял шяраву. Аьли ивкIссар ЧIурттал ЧIавжил ппу, цувагу чурххал загълунсса, хъинну жан дусса. Мунал цамур пиша къабивкIун бур, къалайчишиву дакъасса. Му гьарца шинал, Дулттияллил зунтту, марххала бувну, лакьиннин ахьтта ачайсса ивкIун ур я Закаталлайн — Азирбижаннавун, ягу Гъулудав — Гуржиянавун къалайчишиву дуллай. Ца шинал му лавгун ивкIун ур Гъулудав. Читать далее

Авгъаннал цIарава зана хьуминнан

«Чистое сердце» цIа­нилусса ихIсандалул фонд мудангу ка-кумаг буллай бур ахIвал-хIал кIюламиннан, чIявусса оьрчIру буминнан, оьрмулул бугьараминнан ва м.ц. Вай гьантрайгу му фондрал дунни ирглийсса ка-кумаграл даву. Читать далее

Жижара

jijar_1МахIмудлул душ Жамалова Ирина
Вай гьантрай, ххираминнал дакIру оьттун дуцлаци дурну, дунияллия лавгунни 1-мур ЦIувкIратусса МахIмудлул душ Жамалова Ирина. Март зурул ацIунний мунил оьрмулул 49 шин хьунтIиссия. Зунттал бюрни куна бюхттулсса, авурсса лас ХIусайрамазангу, авария хьуну, ччянива дунияллия лавгун, Иринан цинмалу кIия арс ччаннай бацIан буллан багьссия. Цивппа ялапар хъанахъисса Хасавюрт шагьрулий дахху-ласулухун багьну (мунил машлул даву лахьхьайсса техникум къуртал бувссия), оьрчIру ххаллилну тарбиягу бувну, ччаннай бацIан барчагу, къанясивну лявкъунни жул Иринан арснал оьрчIая щалихханнинсса оьрму. Читать далее