Вай гьантрай Лакрал райондалул Счетный палаталул председательну ивтунни Камиллул арс Куччаев ХIусайн
ХIусайн увссар Гъумучиял шяраву. Дянивмур даражалул школа къуртал байхту, дуклан увхссар МахIачкъалаллал машлул зузалт ва дукра дувултрал хIадур байсса училищалувун. Му къуртал байхту, увцуссар армиялийн. Армиялия учIайхту, Лакрал райпорай зий ивкIссар, цал хъунма дукра дувуну, яла общепитрал директорну.
1992 шинал увчIуссар Лакрал райпорал председательну. Ми­кку зий ивкIссар 2003 шинайн ияннин. 2003 шинал ивтссар «Россельхозбанкрал» Лакрал райондалийсса офисрал каялувчину, 2009 шинал — ЦIуссалакрал райондалул мува «Россельхозбанкрал» офисрал каялувчину. Муния махъ хIакьинусса кьининин зий уссия МахIачкъала шагьрулий «Россельхозбанкрал» центральный аппаратраву.
1999 шинал ХI. Куччаев лайкь хьуссар «Заслуженный работник в сфере обслуживания населения РД» тIисса цIанин. Ва хъанахъиссар Совет — дахху-ласулул отличникгу. Барча хьуннав, ХIусайн, вил цIусса къуллугъ!
Райадминистрация