С отчетом о работе Союза журналистов РД выступил его председатель Али Камалов. В первую очередь он передал участникам съезда приветствие от врио Президента РД Р Абдулатипова. Перейдя к докладу, А.Камалов отметил:

— Со дня последней нашей встречи подобного формата прошло 7 лет. Предыдущий съезд проводился в 2006 году. Многое изменилось, проделан большой объем работы, но сказать, что все в журналистской среде благополучно, нельзя. Жизнь дагестанской журналистики и её штаба — Союза журналистов Дагестана — за истекший период была нелегкой, при этом насыщенной и богатой событиями.

Мартрал 22-нний МахIачкъалалив Оьруснал театрдануву хьунни Дагъусттаннал Журналистурал союзрал 16-мур съезд. Муний гьуртту хьунни ДР-лул ХIукуматрал хъунаманал цалчинма заместитель Анатолий Карибов, печатьрал ва информациялул министр УмархIусман ХIажиев, миллатирттал иширттал министрнал цалчинма хъиривчу Зикрула Илиясов, Дагъусттаннал Журналистурал союзрал хъунама Аьли Камалов.

Зулайхат Тахакьаева
Съезд, тIигу-тIиртIуну, дачин дурну ия ДР-лул миллатир­ттал иширттал министрнал цалчинма хъиривчу Зикрулла Илиясов.
Съездрай ххал бигьлагьи­сса агьамми суаллу бия ванияр хьхьичIмур съездрая мукьах уттинин дурсса даврил хIасиллу даву, Журналистурал союзрал хъунама ва исполком бувчIаву.
Журналистурал союзрал даврил хIасиллу дуллалисса доклад бувуна мунил хъунама Аьли Камаловлул.
Ванал бувсуна Дагъусттаннал Журналистурал союз сакин шаврия ва кIицI лавгуна махъсса шиннардий СМИ-лул бияла ва гуж цIакь хьушиву. Амма ца чулуха жяматрал пикрилий прессалул бияла цIакьсса бухьурчагу, вамур чулуха пресса мюхтажну бур кумаг­рах ва му буруччин багьлай бур, — увкуна Аьли Камаловлул.
КIицI лавгуна республикалул Президентнал буржру чIумуйну биттур буллалисса Рамазан АьбдуллатIиповгу, цIуну сакин дурсса хIукуматгу прессалул чIарав бацIантIишиврийн ва журналистурал властьращалсса даврил уртакьшиву цIакь хьунтIишиврийн вихшалдарай ушиву.
Аьли Камаловлул бусласимунийн бувну, хьхьичIмур съездрая мукьах тамансса давуртту дан бювхъуну бур. ТIивтIуну бур СМИ-лул зузалтрал пишакаршиву ларай дайсса институт. Мунил гьанулий гьарца шинал шайссар журналистурансса семинарду. Миннуй гьуртту шайссар кьатIаллил билаятирттаясса журналистал. Жулвами журналисталгу лагай­ссар кьатIаллил билаятирттайн семинардайн.
Институтраву пишакаршиву ларай дан бюхъантIиссар ца МахIачкъалалиясса бакъассагу, районнаясса ва щалвагу Ухссанил Ккавкказнал шагьрурдаясса журналистуращагу.
Лавайсса даражалий гьаз бувна миллатирттал пресса ябаврийн ва хьхьичIунмай баврийн багьайсса суаллу. Муния кIицI лавгун бия ДР-лул Президентнал буржру чIумуйну биттур буллалисса Рамазан АьбдуллатIиповлул съездрал делегатътурайнсса оьвчавриву.
Аьли Камаловлул кIицI лавгуна цаппара шиннардил хьхьичI сакин бувну бушиву Аьрасатнал Миллатирттал прессалул Академия, итабакьлай бушиву миллатирттал культуралийн ва мазурдийн багьайсса масъалартту гьаз буллалисса «Национальный интерес» тIисса журнал.
Съездрай ялагу гьаз бунни муниципал кказитирттайн багьайсса масъалартту, ми шагьрурдал ва районнал администрациярттал биялалула буккан бавриясса, цанчирча ми районнал ва шагьрурдал администрациярттал бюджетрал арцух итабакьлай бухьувкун, ми анжагъ бакIчитурал мурадру гьаз буллай буну тIий.
Аьли Камаловлул ялагу кIицI лавгунни, махъсса шиннардий Печатьрал ва информациялул министерствалий чIярусса дахханашиннарду хьуну, министрталгу чIявуссалийла баххана шаву сававну, дузрайн буккан бан къабювхъуссагу мурадру ливчIшиву.
Аьли Камаловлул, мукунма, бувсуна Дагъусттаннал журналистикалул хьхьичIуннайшивурттая ва мунил ялун бучIантIимур цанма цукун чIалай буссарив.
Хъирив цалва ихтилатраву ДР-лул миллатирттал иширттал министрнал хъиривчу Зикрулла Илиясовлул кIицI лавгуна жямат­рал оьрмулуву СМИ-лул агьамсса кIану бугьлай бушиву. Бувсуна цалва пикрирду ва маслихIатру.
Печатьрал ва информациялул министр УмархIусман ХIажиевлул цалвамур ихтилатраву кIицI лавгуна махъсса чIумал республикалул политикалуву хъунисса дахханашивурду хьушиву. ДР-лул Президентнал буржру чIумуйну биттур буллалисса Рамазан АьбдуллатIипов гьаз буллай ур дагъусттаннал обществалувусса чIявусса агьамсса суаллу, циву журналистуращал цачIуну щаллу буллан аьркинсса. ХIакьину СМИ-рдал, хъунмурчIин, тIааьнбакъамур сукку буллай бушиврий чIурчIав дуллай, кIицI лавгунни ххуймур хьхьичIун ласлан аьркиншиву. Ванал ялагу кIицI лавгунни Печатьрал ва информациялул министерствалул планнавун духлай душиву Журналистурал союзращал цачIусса чIярусса форумру, семинарду. МаслихIат бунни Да­гъусттаннал Журналистурал кьини кIицI лаглан.
ДР-лул ХIукуматрал хъунаманал цалчинма хъиривчу Анатолий Карибовлул кIицI лавгуна жагьилсса журналистнан кказитрай ягу телевидениялий цIакь хьун бигьану бакъашиву ва миннал чIарав бацIлан аьркиншиву.
Ахирданий, цинявппагу делегатътурал чIурду буллуну, ДР-лул Журналистурал союзрал хъунаману цIунилгу увчIунни Аьли Камалов.
БувчIунни Журналистурал союзрал исполком. Мивун «Илчи» кказитрал чулуха цIунилгу увчIунни Руслан Башаев.
ЦIарду рирщунни апрель зурул 18-20-нний Москавлив хьунтIисса Аьрасатнал Журналистурал съездрайн гьансса журналистурал.
«Илчи» кказитрая наниссар хъунама редакторнал хъиривчу ХIасан КIурухов ва отделданул редактор Руслан Башаев.