«Внешэкономбанкрал» бакIчи Дагъусттаннай

bank_1Во вторник,19 марта, в РеспубликуДагестан с рабочим визитом прибыла делегация во главе с Председателем государственной корпорации «Банк развития и внешнеэкономических деятельности(Внешэкономбанк)» Владимиром Дмитриевым.

Вай гьантрай МахIачкъалалив Республикалул Хъунмур биб­лиотекалуву хьунни ДР-лул печатьрал ва информациялул министрнал кIанайма УмархIусман ХIажиевлул республикалул СМИ-рдал редактортуращалсса совещание.

Мартрал 19-нний респуб­ликалийн даврил аьр­ххилий бувкIунни «Банк развития и внешнеэкономической деятельности» («Внешэкономбанк») паччахIлугърал корпорациялул Председатель Владимир Дмитриев бакIчисса делегация.
МахIачкъалаллал аэропортрай делегация хьунабавкьунни ДР-лул Президентнал кIанайма Рамазан АьбдуллатIиповлул. Хьунабакьаврий гьуртту хьунни ДР-лул ХIукуматрал Председатель Мухтар Мажидов, ганал хъиривчутал Абусупиян Хархаров, МахIаммадхIусайн Насруттинов ва цаймигу.
Делегациялувух бия: Правлениялул член, «Внешэкономбанкрал» Председательнал хъиривчу Анатолий Балло, «Внешэкономбанкрал» Председательнал Аппаратрал хъунаманал хъиривчу Евгений Поплавский, «Внешэкономбанкрал» Пятигорскалийсса Вакилханалул директор Арсан Демельханов, «Корпорация развития Северного Кавказа» ОАО-рал гендиректор Антон Пак.
ДР-лул Президентнал кIа­найманал хъамаллурахь аьла-ссаламгу бувну, увкунни: «Зу буру жул республикалийн бучIайсса, республика кIулсса, муданма кумаггу байсса структура. Жу зий буру аграрий программалуха бакъасса, чIиримур ва дянивмур бизнесрахагу, мунияту ва хьунабакьавриву жун хъуннасса агьамшиву дур. Ттул пик­рилий, хIакьину цаппара объектирдайн лавгун махъ зуща бю­хъанссар жухь аьркинсса маслихIатру бан.
Яла ихтилат бунни Владимир Дмитриевлул. Ганал барчаллагь увкунни ххуйну кьамул баврихлу.
«Арсан Демельхановлул ва Антон Паклул кумаграйну респуб­ликалий дузал дуллай бур цаппара проектру, жу ми ххалдигьлай буру «Внешэкономбанкрайгу», коммерциялул банкирдайгу. Ва корпорация сакин баврил масъала бивкIссар Ухссавнил Ккавкказуллал проектру ишакаш дулланшиврул частный бизнес, цаппара банкру кIункIу баву.
Жул кумаграйну Дагъусттаннай ишакаш дуллалиссар хъинну мюнпатсса проектру. Жул мурад бур хайрданунсса проектру ххалдигьаву. Амма жу коммерциялул банкру кунма чIявусса дучIия ласаврийн чул бишлай бакъару, жул мурад – хьхьичIунмай хъанахъавур, давуртту дачин давур. Мури респуб­ликалун аьркинсса», — увкунни В. Дмитриевлул
ДР-лул ХIукуматрал Председатель Мухтар Мажидовлул бувсунни, республика «Внешэкономбанкращал» хIала-гьурттуну зий душиву пюрун буккан байсса завод баврил проектраха. Ганал мукъурттийн бувну, махъсса 20 шинал лажиндарай га ца яла хъуннамур проект хъанай дур Дагъусттаннай ишакаш дуллалисса проектирдаву, ганил багьа бур 10,4 млрд. къуруширттал. Дур цаймигу хъунисса проектру, миннувух «Кизлярагрокомплекс», «Каспийский завод строительных материалов» ва цаймигу.
Владимир Дмитриевлул бувсунни, паччахIлугърал кабакьаврийну зун дайдихьлай душиву чIиримур ва дянивмур бизнесрал гарантиялул проект.
Муния махъ Владимир Дмит­риев лавгунни Каспийскаллал пюрунтру байсса заводрайн, кIул хьунни проект ишакаш даврил иширттащал.