Одно из самых распространённых преступлений в Дагестане, это браконьерство, об этом в статье «Сохраняя водные ресурсы Каспия» 
Му махIаттал хьунсса затгу бакъар. Каспий хьхьириву бур осетра балугърал дунияллул луртандалул 90% ва укунмасса балугърал 80%.
Региондалий балугъ бугьаврил ва икра ласаврил хIакъи-хIисав дуллалиний, чIалай бур балугъ бугьаву чан хьушиву.
80-ку шиннардил дайдихьулий Каспий хьхьирий бугьлай бивкIун бур 28 азарда тонна осетра балугърал. Миннуя ду­ккайсса диркIун дур 160 тонна лухIи икьралул.
ЦIанасса чIумал осетралул балугъ бугьансса лимит дуллай бакъар. Так элмийсса хъиривлаявуртту дансса ва чIяву бансса мурадрай бакъасса ми бугьан ихтияр дуллай бакъар. Му бакъассагу, махъсса 10-12 шинал дянив балугъ бугьаву чан даврийн ва багьлул ххирасса осетралул балугъ бугьан къадагъа дишаврийн бувну, чан хьуну дур хьхьирил зумания ласайсса хьхьирил сурсатру.
2012 шинал ахирданийннин республикалий сияхIрайн ларсун дур документирттайн бувну балугъ бугьавриха зун най диркIсса личIи-личIисса журалул балугърал хозяйствалул предприятияртту.

[youtube]http://www.youtube.com/watch?v=MDa09E70heE&feature=share&list=UUUo55UdFSDXfEMlleLcu1iw[/youtube]
Амма мукунсса ихтияр дуллуну дур анжагъ 62 предприятиялухьхьун. Миннахьгу ихтияр дур так килька ва частиковый журалул балугъ бугьлан. Му бакъассагу, МахIачкъалаллал хьхьирил портрайсса балугъ бугьайсса 25 къаехърава так 2 къаехъ бур килька бугьлай, муниха зузисса. ЗакондалуцIун къабавкьуну балугъ бугьлагьаву тихуннайсса цаймигу тахсиркаршивурттал дайдихьур. Республикалий 2011 шиная байбивхьуну 2012 шинайн бияннин сияхIрайн ларсун дур закондалул ххуттава бувккун балугъ ва хьхьирил ххя­ххия дахху-ласу дуллалаврицIун дархIусса 1195 тахсиркаршиву. АьФ УК-рал 256 статьялийн бувну, 2011 шинал ашкара дурну дур 507 тахсиркаршиву, 2012 шинал – 539 тахсиркаршиву. [pullquote]

ХIакьинусса кьини Дагъусттаннай ца яла чIяруну
хьунадакьлакьимур тахсиркаршиву дур браконьерство.

[/pullquote]
Браконьертурая Аьрасатнал паччахIлугъран бивсса зарал тIурча 100-хъул миллиондалия личлай бур. Ва журалул тахсиркаршивуртту чIяруми ашкара дуллай бур республикалул МВД-лул подразделенияр­тту (762). Щинал биоресурсру закондалуцIун къабавкьуну дахху-ласу дуллалиминнан ххуллу кьукьлакьисса отделданул зузалтрал тIурча ашкара дурну дур 546 тахсиркаршиву.
Гьарица шинах браконьертураща зеххайсса дур 10-хъул тоннарду щинал биоресурсирдал, миннувух осетр ва частик журалул балугъгу. Масала, махъсса кIира шинал дянив зерххуну дур 78 тонна балугърал, миннува 34,4 тонна осетралул дур инсаннал цIуллу-сагъшиврун зарал къахьунссар куну вихшала дишин къабучIисса даражалийсса.
Браконьертал сайки циняв, 99%, чиваркI бур. Му бувчIлачIисса зат бур. Ва гуж-кьудратгу, бюхъугу бусса, сант кIулсса инсаннаща дакъа къашайсса даву дур. Браконьерствалущалсса талатаврия мюнпат ххишаласса хьуншиврул, цаппарасса давурттив дуллан багьлай бур. Хьхьирил биоресурсру ишла баврил аралуву дахханашивуртту дан багьлай бур. ЦIудуккан дан багьлай бур ялув бацIаврил техника, дузал дан багьлай бур балугърая му-та дуллалисса отрасль хьхьичIуннай дансса шартIру. Му бакъассагу, щаллу дан аьркинни АьФ-лул ва цайми билаятирттал ихтиярду дуруччай органну куннацIун кув бавкьуну зунсса дунияллул халкьуннал дянивсса соглашение.
2012 шинал биоресурсру дуруччаврил отделданул зузалтрал ашкара бувну бур цаппара укунсса закондалул ххуттава бувксса ишру:
Май зурул 20-нний ххалбигьавуртту дуллалисса зузалтран Къизлар шагьрулий, Комсомольская тIисса кIичIиравусса №6 къатраву лявкъуну бур цала каних бавтIсса кIива холодильник бувцIусса 1253 кг. осетра журалул балугърал. Миннул заллу бур Д. Аьлиева.

***
Сентябрь зурул 27-нний «Путина-2012» операциялул лагрулуву балугъ буруччаву мурадрай ххалбигьавуртту дуллалисса зузалтран Къизлардай, Менделеева кIичIираву, И.М. Муртазялиев нанисса УАЗ машиналуву цIухла бивхьуну 1250 кг. осетра журалул балугърал ляркъуну дур. Ми зевххуну бур.

***
Октябрь зурул 4-нний Къизлардал райондалий Заречное тIисса шяраваллия арх бакъа бацIан бувну бур Ш.К. Юсупов нанисса ДАФ машина. Мунил прицеправу ляркъуну дур 2050 кг. осетра балугърал. Ми зев­ххуну бур.

***
Ноябрь зурул 29-нний, ххалбигьавуртту дуллай, Къизлардай А.Н. АьбдулхIапизовлул къат­рал (Свердлова, 23) гаражраву лявкъуну бур 1050 кг. осетралул дусса морозильная камера.
ДР-лул МВД-лул
пресс-служба