В здании Союза писателей Дагестана состоялась ставшая уже традиционной церемонии вручения премий народного поэта Дагестана Юсупа Хапалаева. Премия учреждена Фондом поддержки творческой молодежи им. Ю. Хапалаева за заслуги в сохранении и развитии родного языка и национальной культуры.

Дагъусттаннал Чичултрал союзрай Расул ХIамзатовлул цIанийсса музейраву хьунни Дагъусттаннал халкьуннал шаэр Юсуп Хаппалаевлул цIанийсса литературалул премиярду дуллалисса шадлугъ.

П. Рамазанова
Буккултран дакIнийн бутан, ваниннин цаппара шиннардил хьхьичI Юсуп Хаппалаевлул арсурваврал хIасул дурссия гьунар бусса жагьилтурал творчествалуцIун кабакьу буллалисса кумаграл Фонд. Му Фондрал лагрулий ниттил маз ябаврил ва миллатрал культура хьхьичIуннай даврил ххуллий хьхьичIунну зузисса гьунар бусса чичултран, художниктуран ва композитортуран премиярду дулайссар. Литературалул премиярду дуллуссия уттинингу жагьилсса, гьунар бусса чичултран. Гьар шинах кунна, гьашинугу литературалул премия дия шанна. Цалчинмур премия дуллунни уттигъанну 80 шинал юбилей кIицI ларгсса халкьуннал шаэр Фазу Аьлиеван – дагъусттаннал литература хьхьичIуннай давриву хъунмасса бутIа бивхьуну тIий. КIилчинмур премия кIидарчIунни «Мы-молоды» тIисса цIанилу дагъусттаннал литератортурал лу хIадургу бувну, итабавкьусса публицист Мурад АхIмадовлуйх ва шаэр Юлия Зачесовайх. Шамилчинмур премиягу дуллунни шаэр Тимур Раджабовлун.
Халкьуннал шаэр Юсуп Хаппалаев цаппара шиннардий «Илчи» кказитрай зий уссия. Ва иширалгу ххи буллалиссар жул дакIурдиву халкьуннал шаэр Ю. Хаппалаевлул цIанил хIурматгу, кьиматгу. ДакIнийхтуну барча буллай буру Юсуп Хаппалаевлул цIанийсса премиялун лайкь хьусса цинявппа лауреатътал.